ភ្នំពេញ ៖ អ្នកនាំពាក្យសាលាឧទ្ធរណ៍ បំភ្លឺ ចំពោះគណនីហ្វេសប៊ុកឈ្មោះ គិរី សុខហេង សម័យសន្តិភាព ដែលសុំឱ្យសម្តេចតេជោនិងសម្តេចកិត្តិព្រឹទ្ធបណ្ឌិត ជួយរកយុត្តិធម៌ លើបញ្ហតុលាការសាលាឧទ្ធរណ៍ កាត់ក្តីមិនត្រឹមត្រូវ ។
បើយោងតាមសេចក្តីថ្លែងការណ៍របស់អ្នកនាំពាក្យ និងមហាអយ្យការអមសាលាឧទ្ធរណ៍ នៅថ្ងៃទី១៧ ខែកញ្ញា ឆ្នាំ២០១៨នេះ បានលើកឡើងថា ទោះបីទង្វើនេះ បានប្រព្រឹត្ដខុសច្បាប់ក៏ដោយ សាលាឧទ្ធរណ៍ហាក់យល់ថា ដោយសារការខ្វះយល់ដឹងរបស់លោក ដូច្នេះសាលាឧទ្ធរណ៍សូមស្នើដល់ម្ចាស់គណនី Facebook ឈ្មោះ គីរី សុខហេង សម័យសន្ដិភាព បញ្ឈប់ការបង្ហោះសារមិនត្រឹមត្រូវចាប់ពីពេលនេះតទៅ។
អ្នកនាំពាក្យសាលាឧទ្ធរណ៍ បញ្ជាក់ថា កាលពីថ្ងៃចន្ទ ទី១០ ខែកញ្ញា ឆ្នាំ២០១៨ វេលាម៉ោង១១៖៤០នាទី សាលាឧទ្ធរណ៍បានទទួលព័ត៌មាន តាមបណ្ដាញសង្គមហ្វេសប៊ុក របស់ឈ្មោះ គិរី សុខហេង សម័យសន្តិភាព បានបង្ហោះសារវីដេអូ ផ្ញើជូនសម្ដេចតេជោ ហ៊ុនសែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិតប៊ុន រានី ហ៊ុន សែន បញ្ហតុលាការសាលាឧទ្ធរណ៍ កាត់ក្តីមិនត្រឹមត្រូវ ។
អ្នកនាំពាក្យសាលាឧទ្ធរណ៍ និង មហាអយ្យការអមសាលាឧទ្ធរណ៍ បញ្ជាក់ថា ការផ្សព្វផ្សាយព័ត៌មានមិនបានត្រឹមត្រូវ តាមអង្គហេតុវិវាទ ព្រមទាំងមានពាក្យសម្តីហាក់មានការប្រមាថ ប៉ះពាល់ដល់កិត្តិយសចៅក្រម និង ស្ថាប័នធ្ងន់ធ្ងរ ព្រមទាំងអាចនាំឱ្យសាធារណ ជនមានការភ័ន្តច្រឡំទៀតផង ។
សេចក្តីប្រកាសព័ត៌មាន ដដែល បញ្ជាក់ទៀតថា ទោះបីទង្វើនេះ បានប្រព្រឹត្តខុសច្បាប់ក៏ដោយ សាលាឧទ្ធរណ៍ ហាក់យល់ថា ដោយ សារការខ្វះការយល់ដឹង ។ ដូច្នេះសាលាឧទ្ធរណ៍ សូមស្នើដល់ម្ចាស់ករណី គិរី សុខហេង សម័យសន្តិភាព បញ្ឈប់ការបង្ហោះសារមិនត្រឹមត្រូវ ចាប់ពីពេលនេះតទៅ ។
សាលាឧទ្ធរណ៍បានកត់សម្គាល់ឃើញថា លោកបានផ្សព្វផ្សាយនូវព័ត៌មាន មិនបានត្រឹមត្រូវតាមអង្គហេតុវិវាទ ព្រមទាំងមានពាក្យ សំដីហាក់មានការប្រមាថ ប៉ះពាល់ដល់កិត្ដិយសចៅក្រម និងស្ថាប័នធ្ងន់ធ្ងរ ព្រមទាំងអាចនាំឲ្យសាធារណជនមានការភ័ន្ដច្រឡំទៀតផង៕ ដោយ ៖ បញ្ញាស័ក្តិ
សេចក្ដីសេចក្តីថ្លែងការណ៍របស់អ្នកនាំពាក្យសាលាឧទ្ធរណ៍ និងមហាអយ្យការអមសាលាឧទ្ធរណ៍៖
