ភ្នំពេញ ៖ សហព័ន្ធកីឡារាំកម្ពុជាដែលបានចូលរួមក្នុងការប្រកួតរាំងកម្រិតអាស៊ី ADSF Asian Dance Sport Championship និង Open Hong Kong នៅទីក្រុងហុង ពីថ្ងៃទី ១៤ដល់ ១៥ ខែកញ្ញា ឆ្នាំ២០១៨នោះ ឈ្នះមេដាយមាស និង សំរឹទ្ធ។
ក្នុងនោះ កីឡាករ ច័ន្ទ វិចទ័រ និង កញ្ញា ព្រាបដានីអែលឡា (រាំគូ) ៖ វិញ្ញាសា Hong Kong Open Latin 5- dance ទទួលបានមេដាយមាស ក្នុងចំណោម៩ ប្រទេសខាងលើ។ វិញ្ញាសានេះមាន៩ប្រទេសចូលរួមមាន ចិន, ឆាយនីសតាយប៉ិ, ហុងកុង, ជប៉ុន, កៀរហ្សីស៊ីស្ថាន, ម៉ាកាវ, កាហ្សាក់ស្ថាន, កូរ៉េខាងត្បូង, ម៉ុងហ្គោលី, ហ្វីលីពីន, សិង្ហបុរី, ម៉ាឡេស៊ី, ថៃ, វៀតណាម, និង កម្ពុជា។
វិញ្ញាសា ADSF Asian Championship ចង្វាក់ Cha Cha Cha ទទួលមេដាយសំរឹទ្ធ _ វិញ្ញាសា ADSF Asian Championship ចង្វាក់ Rumba បានទទួលចំណាត់ថ្នាក់លេខ ៦ ក្នុងចំណោម១៣ ប្រទេស។
វិញ្ញាសាADSF Asian Championship ចង្វាក់ Paso Doble ទទួលបានចំណាត់ថ្នាក់លេខ៦ ក្នុងចំណោម១៦ ប្រទេស។
ការប្រកួតAsian – Hong Kong Open ឆ្នាំ 2018 -វិញ្ញាសា រាំគូ៖ កីឡាករ ម៉ូវ ដាវីន និង កីឡាការិនី ម៉ូវ ដានីតា ប្រកួតវិញ្ញាសា ចង្វាក់ Cha Cha Cha, Jive បានទទួលមេដាយសំរឹទ្ធ ។កីឡាករ ភុន ស៊ីបុត្រា និង កីឡាការិនី សាន រ៉ូហ្សា ប្រកួតវិញ្ញាសា Cha Cha Cha និង Rumba បានទទួលចំណាត់ថ្នាក់លេខ 5។
វិញ្ញាសារាំឯកត្តជន ៖ កីឡាករ សេង សុគីម ប្រកួតវិញ្ញាសា Hong Kong Open Latin ចង្វាក់ Cha Cha Cha បានទទួលមេដាយប្រាក់, ចង្វាក់ Rumba ទទួលបានមេដាយសំរឹទ្ធិ។កីឡាការីនី យី អ៊ីលីង ចង្វាក់ Cha Cha Cha, Rumba Jive បានទទួលចំណាត់ថ្នាក់លេខ៥។ កីឡាការីនី ហា៑ន លក្សី Rumba បានទទួលចំណាត់ថ្នាក់លេខ៧ និង លេខ ៩ ចង្វាក់ Jive៕ ដោយ ៖ បញ្ញាស័ក្តិ