ស្តេចព្យុះ Mangkhut ដែលបានសម្លាប់មនុស្សអស់រាប់សិបនាក់នៅក្នុងប្រទេសហ្វីលីពីន ឥឡូវនេះ បានបន្តដំណើរទៅកាន់ទូទាំងភាគខាងត្បូងនៃប្រទេសចិនហើយ ។
Typhoon Mangkhut គឺជាព្យុះមួយ នៅក្នុងចំណោមកំពូលព្យុះដ៏សាហាវបំផុត ដែលកំពុងឈាន់ឈ្លីតំបន់នេះ នៅក្នុងរយៈពេលប៉ុន្មានទសវត្សរ៍មកនេះ ។
យោងតាមសារព័ត៌មានរដ្ឋចិន មនុស្ស២នាក់ត្រូវបានសម្លាប់នៅក្នុងខេត្ត Guangdong ។ ហើយមនុស្សជាង ២ លានកន្លះ ត្រូវបានជម្លៀសនៅក្នុងខេត្តនេះ នៅលើកោះ Hainan ។
នៅក្នុងទីក្រុងហុងកុង ព្យុះដ៏កំណាចនេះ បានបំផ្លាញអគារអស់ជាច្រើនកន្លែង និងបិទការចេញចូលក្នុងទីក្រុង ។
កំពូលព្យុះ Mangkhut ឥឡូវនេះ បានកំពុងរាលដាលនៅតំបន់ដីគោក ហើយត្រូវបានរំពឹងថា នឹងវាយប្រហារតំបន់ជាច្រើននៅក្នុង Guizhou, Chongqing និងបន្ទាប់មក គឺ Yuanan នៅក្នុងថ្ងៃនេះ ។
នៅក្នុងប្រទេសហ្វីលីពីនេះ អ្នករុករករ៉ែ ៣៣ នាក់ ត្រូវបានបញ្ជាក់ស្លាប់ និងយ៉ាងតិច ២៩ នាក់ផ្សេងទៀត កំពុងបាត់ខ្លួន បន្ទាប់ពីការបាក់ដីវាយប្រហារទីកន្លែងរ៉ែ នៅក្នុង Itogon នៃខេត្ត Benguet ។ នេះបើយោងតាមរបាយការណ៍ក្នុងតំបន់ ។
បេសកម្មរុករក និងសង្គ្រោះ កំពុងបន្ត ហើយមានការព្រួយបារម្ភថា ចំនួនអ្នកស្លាប់អាចនឹងកើនឡើងជាង ១០០ ។ នេះបើតាមចៅហ្វាយក្រុង Itogon លោក Victorio Palangdan ថ្លែងឲ្យដឹង ។
នៅក្នុងទីក្រុងហុងកុង ដែលរងការវាយប្រហារកាលពីចុងសប្តាហ៍មុននេះ នោះតាមរយៈវីដេអូជាច្រើនដែលត្រូវបានបង្ហោះនៅលើបណ្តាញសង្គម បានបង្ហាញអគារផ្ទះល្វែងជាច្រើន ត្រូវរងឥទ្ធិពលខ្យល់បក់បោកយ៉ាងធ្ងន់ធ្ងរ, រន្ទាសាងសងត្រូវដួលទៅនឹងដី និងបង្អួចអគារពាជណិជ្ជកម្មជាច្រើន ក៏ត្រូវបានប្រហារឡើងខ្ទេចខ្ទីរតែម្តង ។
សេវាដឹកជញ្ជូនក៏ត្រូវបានផ្អាក ក្នុងនោះរួមមានជើងហោះហើរត្រូវបានលុបចោល, ផ្លូវរថយន្តត្រូវបញ្ឈប់ និងផ្លូវសំខាន់ៗជាច្រើនកន្លែងទៀតក៏ត្រូវបានបិទផងដែរ ៕ ឧត្តម (ប្រភព៖ BBC)
Another one captured by our @CNBCi team in Hong Kong. #TyphoonMangkhut pic.twitter.com/z5h2qXeBhp
— Akiko Fujita (@AkikoFujita) September 16, 2018
Shek’O beach pic.twitter.com/cVV6hhDWnX
— Jen Zhu (@jenzhuscott) September 16, 2018
Someone’s apartment in the east side of HK pic.twitter.com/2LaVZm2RX1
— Jen Zhu (@jenzhuscott) September 16, 2018
High rise building swinging in #TyphoonManghkut #HK pic.twitter.com/H4P0GdL8sV
— Jen Zhu (@jenzhuscott) September 16, 2018
