ហេតុការណ៍នេះកើតឡើងនៅអាមេរិក ហើយវាប្រព្រឹត្តទៅក្នុង១ប៉ប្រិចភ្នែក ធ្វើឲ្យក្បាលបុរសនោះនៅក្នុង…មាត់ក្រពើមែនទែន ។
Goator Boy គឺជាក្រុមមួយជំនាញផលិតនូវកម្មវិធីពិតជាក់ស្តែងសម្រាប់ឆាណែលទូរទស្សន៍ល្បីល្បាញអំពីសត្វ “Animal Planet” ។ ការងារសំខាន់របស់ពួកគេគឺថតពីដំណើរការរុករកនិងសង្គ្រោះពពួកក្រពើដ៏គ្រោះថ្នាក់ពីតំបន់ល្បាប់នៅ Florida នាំយកទៅទីសុវត្ថិភាព ។
ក្នុងកម្មវិធីម្តង១នោះ Paul Bedard សមាជិកមានបទពិសោធន៍របស់ក្រុម បានត្រូវក្រពើវាយប្រហារនៅពេលកំពុងថតតែម្តង ។
សំណាងល្អ ដែលពុំមានរបួសធ្ងន់ធ្ងរ តែវាក៏បានធ្វើឲ្យ Paul ហូរឈាមដែរ ។ សមាជិកដទៃទៀត បានប្រញាប់ប្រញាល់ជួយព្យាបាលមុខរបួសភ្លាមៗ ៕ លីសា
