តាម Daily Mail ជនសង្ស័យដែលជាសកម្មជនដើម្បីសិទ្ធិសត្វ បានលបផ្លោះរបងចូលបើកគន្លឹះឲ្យគោ ៤០ក្បាល រួចចេញពីទ្រុង ។
ក្នុងរយៈពេលមួយយ៉ាងខ្លី គោ៤ក្បាលបានងាប់ ហើយ ៤០ក្បាលទៀត កំពុងប្រឈមនឹងគ្រោះថ្នាក់ ព្រោះក្នុងរយៈពេល១ខ្លីវាស៊ីស្មៅដល់ទៅ ១០Kg ។ តាមធម្មតាគេឲ្យវាស៊ីចំណីស្មើនឹងអាហារ ២kg ប៉ុណ្ណោះ។
លោក Anja Schieman ប្រធានកសិដ្ឋានឲ្យដឹងថា ៖ “វាស៊ីច្រើនហួសហេតុក្នុងរយៈពេល១ខ្លី ធ្វើឲ្យប្រព័ន្ធរំលាយអាហារច្របូកច្របល់ ហើយថ្លើមរងរបួសធ្ងន់ធ្ងរ ។
ក្រៅពីគោ៤ក្បាល បានងាប់នៅមាន ៤០ក្បាលទៀត កំពុងស្ថិតក្នុងសភាពអាសន្ន ធ្វើឲ្យកសិដ្ឋានប្រឈមនឹងវិបត្តិ ហិរញ្ញវត្ថុធ្ងន់ធ្ងរ ។
កសិដ្ឋានក៏បានប្រកាសផ្តល់រង្វាន់ ១០០០អឺរ៉ូដល់អ្នកផ្តល់ព័ត៌មានស្វែងរកឃើញជនល្មើស ។
ប៉ូលិសក៏កំពុងស៊ើបអង្កេតករណីនេះផងដែរ ៕ លីសា