លោក Thanathorn Juangroongruangkit នៅថ្ងៃទី១៦កញ្ញាថា ប៉ូលិសថៃបានចោទប្រកាន់ស្ថាបនិកនិងសមាជិក២រូបទៀត ថាបានបំពានច្បាប់ស្តីពីឧក្រិដ្ឋកម្ម Computer ដែលអាចជាប់ពន្ធនាគារដល់ទៅ៥ឆ្នាំនិងរងការពិន័យ១០០.០០០បាត (ប្រមាណ៣០០០ដុល្លារ)។
លោកThanathorn Juangroongruangkit អាយុ៣៩ឆ្នាំ ជាស្ថាបនិកនៃគណបក្សអនាគតឈានទៅមុខ រួមជាមួយសមាជិកជាន់ខ្ពស់២រូបរបស់បក្សនេះត្រូវបានចោទប្រកាន់ថាបំពានច្បាប់ ក្រោយពេលពួកគេចេញទៅសារភាព នៅស្នងការប៉ូលិសនាក្រុងបាងកក។
អ្នកទាំងបីរងការចោទប្រកាន់ថាបានផ្សព្វផ្សាយព័ត៌មានក្លែងក្លាយតាមរយៈសុន្ទរកថាមួយដែលបង្ហោះផ្សាយលើបណ្ដាញសង្គម Facebook កាលពីថ្ងៃទី២៩ ខែមិថុនារបស់លោកThanathorn។
ប៉ូលិសបានសួរចម្លើយនិងយកស្នាមក្រយៅដៃរបស់អ្នកទាំងបី ហើយឱ្យដឹងថា ករណីនេះនឹងត្រូវបញ្ជូនឱ្យស្ថាប័នអយ្យការ។
ក្នុងពេលជាមួយគ្នានោះ លោកThanathornដែលជាមហាសេដ្ឋីម្នាក់ទើបងាកមកធ្វើនយោបាយ ឱ្យដឹងថា លោកនិងសហការីទាំងពីរបានទាត់ចោលការចោទប្រកាន់ខាងលើ។
គួររំលឹកថា រដ្ឋការយោធាថៃនៅថ្ងៃទី១១កញ្ញា បានបន្ធូរបន្ថយការហាមឃាត់សកម្មភាពនយោបាយដើម្បីបើកផ្លូវឱ្យបណ្ដាគណបក្សមានសកម្មភាពមួយចំនួន ប៉ុន្ដែគេមិនអនុញ្ញាតឱ្យដំណើរការយុទ្ធនាការស្វែងរកសន្លឹកឆ្នោតនោះទេ។
តាមឧបនាយករដ្ឋមន្ត្រីថៃ Wissanu Krea-ngam នោះការធ្វើសកម្មភាពស្វែងរកសន្លឹកឆ្នោតនឹងត្រូវបានបានអនុញ្ញាតក្រោយពេលដែលច្បាប់ស្តីពីការបោះឆ្នោតត្រូវបានអនុម័ត ហើយបើតាមស្មានវានឹងប្រព្រឹត្តទៅបាននៅពាក់កណ្ដាលខែធ្នូ៕
លីសា
