ប៉ូលិសSingapore បានប្រកាសថា គេបានឃាត់ខ្លួនជនជាតិវៀតណាមមួយក្រុមដែលសង្ស័យថាបានលួចសម្លៀកបំពាក់ថ្លៃៗរាប់រយកំប្លេពីហាងជាច្រើននៅប្រទេសនេះ។
តាម Channel NewsAsia ដែលដកស្រង់សម្តីប៉ូលិសមូលដ្ឋានឱ្យដឹងថា សម្ភារៈចំនួន៨៦៨មុខដែលត្រូវបានលួចនោះមានតម្លៃដល់ទៅ26.000 SGD (ជាង២០.០០០ដុល្លារ)។
ប៉ូលិសបានចាប់ខ្លួនបុរស២នាក់និងស្រី្ត២នាក់ដែលមានអាយុពី២៦ដល់៣១ឆ្នាំ នៅសណ្ឋាគារមួយនៅតាមផ្លូវ Chin Swee ។
តាមសមត្ថកិច្ចឱ្យដឹងថា ក្រុមនេះបានយកសម្លៀកបំពាក់ថ្លៃៗដាក់ចូលក្នុងថង់ក្រដាសប្រាក់ដើម្បីឆ្លងផុតម៉ាស៊ីនស្កេនហាងទំនិញ។
ជនសង្ស័យត្រូវបានឃាត់ខ្លួនមួយថ្ងៃក្រោយពេលអ្នកគ្រប់គ្រងហាងទំនិញមួយនៅតំបន់Pasir Ris Close បានរាយការណ៍ប្រាប់ប៉ូលិសថាពួកគេបានបាត់បង់ទំនិញជាច្រើនមុខ។
តាមរយៈរូបភាពពីកាមេរ៉ាសុវត្ថិភាព ប៉ូលិសពិនិត្យឃើញក្រុមនេះតែងធ្វើសកម្មភាពជាប្រចាំនៅតាមហាងជាច្រើន។
ក្រុមជនល្មើសនឹងរងការចោទពីបទចោរកម្មនៅថ្ងៃទី១៨កញ្ញានេះ។ប្រសិនបើត្រូវកាត់ទោស ពួកគេត្រូបង់ប្រាក់ពិន័យនិង ជាប់ពន្ធនាគារ៧ឆ្នាំ៕
លីសា
