នារីវ័យក្មេងស្រស់ស្អាតម្នាក់ កាលពីពេលថ្មីៗនេះ បានធ្វើឲ្យមិត្តភក្តិ និងហ្វេនៗរបស់នាង មានការភ្ញាក់ផ្អើលជាខ្លាំង នៅពេលបានឃើញនាងស្រាប់តែបង្ហោះរឿងរ៉ាវពាក់ព័ន្ធមិត្តប្រុសរបស់ខ្លួន ដែលបានទាក់ទងគ្នាបាន៤ថ្ងៃ ហើយបានខ្លីលុយយកទៅធ្វើឡាន សរុបចំនួន ១៤០ ដុល្លារ ប៉ុន្តែ បែរជាគេចវេស (block ហ្វេសប៊ុក ទូរស័ព្ទខលពុំចូល) ពុំសង នៅពេលនាងទារលុយ ខណៈត្រូវការលុយផ្ញើឲ្យម្តាយ ។
ដោយគិតថា បុរសរូបនេះពុំបានស្រលាញ់នាងដោយចិត្តស្មោះ និងចង់លេងសើច បោកប្រាស់នាងបែបនេះ នាងក៏សម្រេចចិត្តបង្ហោះដំណើរដើមទងនៃសាច់រឿងទាំងអស់ជាបន្តបន្ទាប់ រហូតឡើងល្បី ធ្វើឲ្យខាងប្រុសសម្ងំសុខលែងបាន Chat សុំដាក់លក្ខខណ្ឌសុំឲ្យលុបអ្វីៗនាងបង្ហោះ និងសន្យាសងលុយនាងវិញតាម ABA ។ ហើយរឿងរ៉ាវនេះក៏បានស្ងប់ស្ងាត់ បន្ទាប់ពីបុរសនោះបានសងលុយនាងរួចរាល់ ។
ប៉ុន្តែ វាបានធ្វើឲ្យក្តៅក្រហាយជាថ្មី នៅពេលនាងបានរកឃើញថា បុរសនេះដែលនៅពុំទាន់ចេញមុខសុំទោសនាងឲ្យបានពេញលេញផងនោះ តែបែរជាឆ្លៀតបង្ហោះអួតគេឯងថា សុទ្ធតែបានស៊ីចុកនាងទាំងស្រវឹង ហើយអត់បានឲ្យលុយ ទើបនាងតាមរករឿងបែបនេះ ។ ហេតុនេះ នាងនៅតែបង្ហោះ និងលេងកំដរជូនម៉ាសប្បាយ ដរាបណាបុរសរូបនេះចេញមុខសុំទោសរូបនាងជាលើកចុងក្រោយ ចំពោះការនិយាយបង្ខូចកេរ្តិ៍ឈ្មោះរបស់នាងបែបនេះ ។
ខាងក្រោមនេះជាសំណេររបស់ម្ចាស់គណនេយ្យហ្វេសប៊ុកស្រីស្អាត Dalis Kelly ដែលបានសរសេរបង្ហោះយ៉ាងកប់ៗដូច្នេះថា៖
«រឿងលុយ140$ ដែលខាងប្រុសគេចវេះមិនសងខាងស្រី ហេតុអីត្រូវវែងឆ្ងាយដល់រឿងសុីចុក រឿងដេក រឿងខូចឈ្មោះមនុស្សស្រី?
បងៗដែលនិយាយសម្តីចឹងចេញមក បងមានខួរក្បាលទេ? បើបងជាខ្ញុំបងសង្ងំអោយគេបោកលុយហើយបង្ខូចឈ្មោះព្រោះខ្លួនជាស្រីចឹងមែន?
មានច្បាប់ណាដែលមនុស្សស្រីមិនអាចចេញមកបកស្រាយរកយុត្តិធម៌ពេលគេបរិហារកេរ្តិ៍ខ្លួនទេ?
សម័យនេះហើយ តម្លៃខ្ញុំនៅលើខ្ញុំ មនុស្សស្គាល់ខ្ញុំគេដឹងថាខ្ញុំជាមនុស្សស្រីបែបណា! បងៗត្រឹមជាមនុស្សក្រៅសង្គមដែលខ្លាចសង្គមជាន់ហ្នឹង ម៉េចហ្នឹងអាចយល់ពីមនុស្សស្រីរឹងមាំដើរលើវីថីសង្គមដូចខ្ញុំ? ?»
«អោយវាចឹងឡើង ? ដាក់អោយម៉ាក់ប៉ាគាត់ដឹង កូនប្រុសគាត់នាំមោទនភាពប៉ុណ្ណាជូនគាត់?
សុំបញ្ជាក់! ទាក់ទងបួនថ្ងៃ តែស្គាល់តាមហ្វេសបុក3ឆ្នាំជាងហើយ កុំថាខ្ញុំខាងស្រីល្ងង់ ងុបងល់ ឆាប់ជឿ ព្រោះពេលស្រលាញ់ គឺខ្វាក់ហើយ!»
«ខ្ញុំជាមួយគាត់ទាក់ទងគ្នាបានបួនថ្ងៃ ឡានរបស់គាត់បើកបុកហ្នឹងតុៗ ហើយអត់លុយធ្វើ ក៏ខ្ចីខ្ញុំ120$នៅថ្ងៃ14ខែ6 ឯ20$ទៀតគឺគាត់អោយវេរទៅគេ មិនដឹងវេរអោយអ្នកណាទេ!
តាំងពីថ្ងៃខ្ចីលុយហ្នឹងមកគាត់គេចមុខមិនដែលជួប ទូរស័ព្ទមិនខលដូចមុន ឆាតក៏មិនសូវតប
ខ្ញុំទាគាត់បែបធម្មតាដោយប្រាប់បងផ្ញើអោយម៉ាក់100$បានអត់? ឬបងមានខ្លះអត់សារ៉េអោយអូនផង តែគាត់អត់អោយ គាត់ស្ងាត់បាត់ឆឹង ដល់ខែនេះថ្ងៃ6ខ្ញុំឆាតសួរថា លុយហ្នឹងអត់អោយម៉ងហី? ហើយពីម្សិលម្ងៃខ្ញុំរកឆាតសួរម្តងទៀតក៏ឆាតមិនចេញព្រោះគេblockបាត់ ខ្ញុំបន្តយកទូរស័ព្ទ2-3លេខផ្សេងគ្នាខលទៅ គាត់អត់ហើយខ្លះគាត់លឺសម្លេងក៏ចុុចបិទហើយblock numberទៀត!
មុនខ្ញុំផុសម្សិលមិញ ខ្ញុំឆាតទៅaccមួយទៀតដែលគាត់ទុកចោលតែអត់blockខ្ញុំថា កុំដោយសារលុយប៉ុណ្ណឹងធ្វើអោយមើលគ្នាមិនត្រង់ តែគាត់អត់តប ហើយខ្ញុំក៏បង្ហោះការពិតទើបគាត់ខលមកសុំបកស្រាយសុំសំរួលហើយសុំសងលុយតាមABAនិងសុំអោយលុបអ្វីដែលផុសពីម្សិលមិញ ដំបូងខ្ញុំថាអត់ទេ តែមិនដល់2ម៉ោងផងមានអ្នកshareដល់1Kខ្ញុំក៏ព្រម
គេសងលុយខ្ញុំក៏លុបតាមពាក្យសម្តីដោយមិនភ្លេចយាយថាចប់ហើយblockគេ តែអាណាដឹងសត្វនៅតែសត្វគេផុសវែងឆ្ងាយថាខ្ញុំមុខលុយ cmtសុទ្ធតែថាសុីខ្ញុំទាំងស្រវឹងអត់បានអោយលុយទើបខ្ញុំរករឿងចឹង ហាហាហា ខ្ញុំមានភស្តុតាងគ្រប់យ៉ាង ខ្ញុំអាចថតជាវីដេអូគ្រប់chatពេលគេភ័យដូចឆ្កែទាល់ជ្រកពីម្សិលមិញ!
ហើយមុននេះខ្ញុំសើរើម្តងទៀតព្រោះខ្ញុំទ្រាំនិងstatus and cmtដែលគាត់បង្ខូចឈ្មោះខ្ញុំមិនបានទើបខ្ញុំpost វេលាម៉ោង5កន្លះនេះគាត់ខលមក ខ្ញុំថាទាល់តែគាត់postទទួលកំហុសហើយសុំទោសខ្ញុំអោយល្បីដូចអីដែលគាត់បង្ខូចខ្ញុំទើបខ្ញុំឈប់! សុំដឹងថាខ្ញុំរវល់ណាស់គ្មានពេលទេ តែគាត់ខ្លួនឯងអ្នកចាប់ផ្តើមបោកទឹកចិត្ត បោកក្តីស្រលាញ់ បោកពេលវេលា បោកលុយ! ហើយខ្ញុំនឹងមិនព្រមចប់ជាដាច់ខាតបើគាត់មិនសុំទោសអោយពេញមុខពេញមាត់!!! បើខ្លាំងក៏អញ្ជើញលេងតាមចិត្តព្រោះមនុស្សប្រុសដូចគាត់មិនបាច់ខ្ញុំដៀលក៏មានបងប្អូនអ្នកមានភ្នែកចេះមើលភស្តុតាងចេះអានអក្សរខ្មែរជួយជេដែរ?» ៕ ចន្ទី