បុរសអង់គ្លេសម្នាក់អាយុ ៦៨ ឆ្នាំ បានអនុវត្តន៍របបហូបតមគួបផ្សំសូកូឡូខ្មៅ និងទំពាំងបាយជូរ ។ ២ ឆ្នាំក្រោយ លោកសម្រកទម្ងន់បានជិត ២០ គីឡូ ។ វេជ្ជបណ្ឌិតឲ្យដឹងថា លោកមិនរងឥទ្ធិពលពីជំងឺទៀតឡើយ ។
លោក Terry Kemp រស់នៅក្នុងទីក្រុង Bristol (អង់គ្លេស) ត្រូវវិនិច្ឆ័យកើតជំងឺទឹកនោមផ្អែមប្រភេទ២ ពេលទម្ងន់ខ្លួនរបស់គាត់កើនឡើងជាង ១០០ គីឡូ ។ ក្នុងការប្រឹងប្រែងដោយគ្មានសង្ឃឹមដើម្បីទប់ស្កាត់ជំងឺ, លោកបានអនុវត្តន៍វិធីហូបតមយ៉ាងតឹងរ៉ឹង គួបផ្សំជាមួយសូកូឡាខ្មៅ និងទំពាំងបាយជូរក្រហម ។ ក្នុង១ថ្ងៃ លោកបរិភោគសូកូឡាមួយបន្ទះ ដែលផ្ទុក ៨៥% តាកាវ និងទំពាំងបាយជូរក្រហម ៥០០ ក្រាម ។ ២ ឆ្នាំក្រោយ លោកបានស្រកទម្ងន់ជិត ២០ គីឡូ ហើយវេជ្ជបណ្ឌិតក៏រកឃើញថាលោកពុំមានកើតជំងឺទឹកនោមផ្អែមទៀត ។
បណ្តាការស្រាវជ្រាវវិទ្យាសាស្ត្រមុនៗនេះ បង្ហាញថា ក្នុងកាកាវមានផ្ទុកសារជាតិចម្រុះមួយហៅថា epicatechin monomers ។ វាជួយបង្កើនកម្រិតអ័រម៉ូនអាំងស៊ុយលីន ក្នុងសរីរាង្គជួបបញ្ហា, ដែលជាមូលហេតុមួយក្នុងចំណោមមូលហេតុនាំដល់ជំងឺទឹកនោមផ្អែមប្រភេទ២ ។
ក្នុងការស្រាវជ្រាវលើសត្វ ពួកអ្នកវិទ្យាសាស្ត្រក៏រកឃើញថា epicatechin monomer ក៏មានប្រសិទ្ធភាពបញ្ចុះទម្ងន់ និងកែប្រែឲ្យប្រសើរឡើងកម្រិតជាតិស្ករក្នុងឈាម ។
ដើម្បីទទួលបាន epicatechin monomer អ្នកជំងឺត្រូវបរិភោគកាកាវច្រើន ហើយក្នុងកាកាវនោះមិនត្រូវមានស្ករច្រើន, ពួកអ្នកស្រាវជ្រាវឲ្យដឹង ៕ លីសា
