ទារកចម្លែកដែលគេនាំគ្នាថាជា “វេទមន្តរបស់ទេវតា” កើតនៅថ្ងៃទី ១៦ ខែសីហា នៅរដ្ឋ Uttar Pradash ភាគខាងជើងឥណ្ឌា ចម្ងាយពីរដ្ឋធានីញូដេលី ប្រមាណ ១២០០ Km ។ ឪពុកឈ្មោះ Bulhan Nishad ម្តាយឈ្មោះ Ramba ។ អ្នកទាំង២ ជាពលករសាមញ្ញ ។
វាកើតដោយការវះកាត់នៅមន្ទីរពេទ្យ Lueknow ហើយមានជើងដល់ទៅ ៤ និងប្រដាប់ភេទ២ ។ ថ្វីត្បិតវេជ្ជបណ្ឌិតពុំបានប្រាក់ពីមូលហេតុបង្កឲ្យទារកមានសភាពបែបនេះក្តី តែធម្មតាវាគឺជាគភ៌ភ្លោះតែមានទារក១ រីកចម្រើនពុំប្រក្រតី…។ល។
តាមវេជ្ជសាស្ត្រនោះ ទាមទារត្រូវធ្វើការវះកាត់សម្រួលមកឲ្យដូចធម្មតាវិញ ។
ប៉ុន្តែគ្រួសារក្រីក្រពិតជាពុំមានលទ្ធភាពឡើយ ហេតុនេះឯងទើបកាលពីឆ្នាំទៅមិញក៏មានទារកម្នាក់កើតមកមានជើង ៣ ប្រដាប់ភេទ ២ ដែលខ្វះតែបន្តិចទៀតត្រូវបានក្រុមគ្រួសារ យកទៅគ្រវែងចោលហើយ! ។ សំណាងល្អដែលអ្នកចាត់ការនៅមន្ទីរពេទ្យ Pindwara បានដឹងរឿងនេះទាន់ហើយឲ្យរថយន្តសង្គ្រោះទៅនាំយកម្តាយកូនពួកគេមកមន្ទីរពេទ្យ ។
លោក Brahat ដែលជាអ្នកចាត់ការចិត្តធម៌រូបនោះពោលថា ៖ “ពិតជាគួរឲ្យតក់ស្លុតណាស់ ពេលឮសូរសាច់ញាតិដែលជឿស៊ុបលើជំនឿអរូបិយ៍ បានប្រុងយកទារកនោះទៅបំបរបង់តាមទន្លេ ព្រោះវាជាប្រផ្នូលអាក្រក់! ។ មកទល់ពេលនេះជើងដៃ និងពោះវៀនដែល “លើស” របស់វាត្រូវបានផ្តាច់ចេញហើយ ហើយវាកំពុងស្ថិតក្នុងសភាពសះស្បើយបណ្តើរៗ ៕ លីសា