ជាទូទៅ មនុស្សចាស់ជរាតែងត្រូវការសេចក្តីស្រឡាញ់ និងការមើលថែរពីមនុស្សនៅជុំវិញខ្លួន ពីព្រោះ ក្នុងដំណាក់កាលនោះ អាចជាពេលវេលាចុងក្រោយ ហើយពួកគាត់ប្រហែលមិនអាចរស់នៅយូរបានទៀតទេ។
ទោះយ៉ាងណាក៏ដោយ ក៏នៅតែមានមនុស្សគ្មានបេះដូងមួយចំនួនចូលចិត្តធ្វើបាបមនុស្សចំណាស់ និងស្វែងរកផលចំណេញពីពួកគាត់ដែរ ដូចជាករណីមួយនេះជាដើម ដែលបានកើតឡើងចំពោះបុរសចំណាស់ម្នាក់។ ទោះបុរសជរាម្នាក់ដើរមិនចង់ត្រង់ផ្លូវក្តី ក៏ចោរហារយពីរនាក់ គ្មានក្តីមេតាចំពោះគាត់សោះ។
វីដេអូរបស់បុរសចំណាស់ម្នាក់ ដែលត្រូវចោរប្លន់បណ្តាលឲ្យអ្នកប្រើប្រាស់បណ្តាញសង្គមមានការអាណិតអាសូរដល់គាត់ជាខ្លាំង។
ក្នុងវីដេអូរយៈពេលខ្លី ចាប់ផ្តើមដោយបុរសជរាម្នាក់ កំពុងដើរតិចៗលើផ្លូវតូចមួយ មួយសន្ទុះក្រោយមកក៏មានបុរស២នាក់ជិះម៉ូតូ ដែលពួកគេទាំងនោះជាចោរប្លន់គ្មានបេះដូង។
ពួកគេម្នាក់បានចុះពីលើម៉ូតូ និងបានបង្ខំឲ្យលោកតាចំណាស់ម្នាក់ប្រគល់អ្វីៗឲ្យពួកវា ហើយចោរនោះក៏បានឆែកមើកហោប៉ៅរបស់គាត់ និងបានយកអ្វីៗទាំងអស់ពីលោកតាម្នាក់នោះ។
បើតាមវីដេអូ លោកតាព្យាយាមទប់ទល់ជាមួយនឹង លោកចោរ ប៉ុន្តែដោយសារតែកម្លាំងមិនដល់លោកចោរ គាត់ក៏បានដួលទៅលើថ្នល់ ចំណែកចោរវិញបានយកទ្រព្យសម្បត្តិគាត់អស់ ដែលមើលទៅគួរឲ្យអាណិតមែនទែន៕ សុភ័ក្ត្រ
ប្រភព៖ Trends zilla