បុរសម្នាក់នៅក្នុងប្រទេសម៉ាឡេស៊ី បានត្រូវដាច់.កគួរឲ្យអាសូរ ដោយសារសរសៃខ្សែនេសាទ ដែលត្រូវបានចងទាក់ភ្ជាប់រវាងបង្គោលភ្លើង២ ហើយបានសម្រេចចែករំលែកហេតុការណ៍ដ៏រន្ធត់នេះរបស់គាត់ នៅលើហ្វេសប៊ុក ដើម្បីទុកជាការរំលឹកដល់អ្នកដទៃបានប្រុងប្រយ័ត្ន ។
យោងតាមជនរងគ្រោះដែលមានឈ្មោះថា Afiq Izwan នោះហេតុការណ៍ដ៏សាហាវនេះបានកើតឡើងកាលពីថ្ងៃទី១៧ កញ្ញា នៅវេលាម៉ោង ៦ និង ៣០ នាទី យប់ នៅពេលគាត់កំពុងជិះម៉ូតូឆ្លងកាត់ច្រកផ្លូវហាយវ៉េ DUKE ស្ថិតក្នុង Gombak (ម៉ាឡេស៊ី) ខណៈកំពុងធ្វើដំណើរឆ្ពោះទៅផ្ទះរបស់គាត់ ។
Afig និយាយថា៖ «សម្រាប់អ្នកដែលពុំបានដឹង សូមមកដឹងថា មានសរសៃខ្សែនេសាទតូចៗ ពុំអាចមើលឃើញជាមុន) ត្រូវបានគេរាយកាត់ពីលើថ្នល់ ។ ហើយជាធម្មតា ជនទាំងនោះនឹងប្រើប្រាស់ផ្លូវទាំងនេះ ដើម្បីប្លន់អ្នកជិះម៉ូតូ ដែលបានប្រើប្រាស់ផ្លូវនេះ ។ នេះជាហេតុផលមួយ ដែលធ្វើឲ្យអ្នកជិះជាច្រើន មានការព្រួយបារម្ភយ៉ាងខ្លាំង ក្នុងការប្រើប្រាស់ផ្លូវជិះម៉ូតូនៅពេលយប់» ។
គេបានយល់ឃើញថា Afig កំពុងជិះម៉ូតូយឺតៗ ខណៈពាក់មូកសុវត្ថិភាព ហើយខណៈមកកន្លែងកើតហេតុ សរសៃខ្សែនេសាទក៏បានទាក់ផ្តាច់រហែកប៉ុងក្រវ៉ាត់ករបស់មូកតែម្តង ។ ផ្ទុយមកវិញ ប្រសិនបើនរណាម្នាក់បើកម៉ូតូលឿន ឆ្លងកាត់ខ្សែអន្ទាក់នេសាទទាំងនេះ និងពុំពាក់មូកសុវត្ថិភាព តើនឹងទៅជាយ៉ាងណា? ។
Afiq បានប្រាប់អ្នកសារព័ត៌មានថា គាត់បានឈប់ម៉ូតូភ្លាមៗ បន្ទាប់ពីត្រូវរងការវាយប្រហារដោយខ្សែអន្ទាក់ទាំងនេះ ប៉ុន្តែ ពុំឃើញមាននរណាម្នាក់ដែលគួរឲ្យសង្ស័យនៅទីនោះទេ ។ គាត់ធ្លាប់បានលឺអំពីទង្វើបែបនេះធ្វើឡើងដើម្បីប្លន់ម៉ូតូពីមុនមក ប៉ុន្តែ ពុំជឿរឿងនេះរហូតដល់បានជួបបទពិសោធន៍ដ៏រន្ធត់នេះខ្លួនឯង កាលពីថ្ងៃទី១៧ កញ្ញា ៕ ឧត្តម (worldofbuzz)
