នារីវ័យក្មេងរូបស្អាតម្នាក់ បានកំពុងត្រូវបានចាត់ទុកថាជាតារាហ្វេសប៊ុកទើបលេចធ្លោ បន្ទាប់ពីបានកើតរឿងរ៉ាវអាស្រូវឡើងកក្រើកបណ្តាញសង្គម ជាមួយបុរសម្នាក់ដែលនាងស្គាល់គ្នាតាម Chat ជាង៣ឆ្នាំ ។ រឿងរ៉ាវដែលនាងកំពុងធ្វើឲ្យល្បីនេះ គឺបន្ទាប់ពីបុរសរូបនោះ បានណាត់នាងចេញក្រៅជួបគ្នាបាន២ដង ហើយក៏បានខ្ចីសរុបចំនួន ១៤០ ដុល្លារ ថាយកទៅធ្វើឡាន ។ ប៉ុន្តែ ដល់ពេលនាងត្រូវការលុយចាំបាច់ ស្រាប់តែបុរសរូបនោះ បែរជាគេចវេសពុំសងលុយនាងទេ ដោយបានប្លុក account និងសូម្បីបិទលេខទូរស័ព្ទទំនាក់ទំនង គួរឲ្យក្តៅក្រហាយយ៉ាងខ្លាំង ។
បើទោះជាបុរសនោះបានវេលុយឲ្យនាងវិញតាមរយៈ ABC ក៏ដោយ ប៉ុន្តែ គាត់ត្រូវបាននាងចោទថានៅតែឆ្លៀតបង្ខូចឈ្មោះនាង តាមរយៈការខមិនអ៊ួតគេឯងថា បាន «ស៊ីចុក» នាងរួចហើយទាំងស្រវឹង ពុំបានឲ្យនាងទើបនាងតាមរករឿងបែបនេះទៀត ។
សម្តីដ៏ឈ្លើយនេះ បានធ្វើឲ្យមនុស្សមួយចំនួនចោទប្រកាន់នាងថា ជាមនុស្សស្រីឃើញតែទឹកលុយ ឡានខាងប្រុស ទើបបានជាកើតមានរឿងបែបនេះឡើង ។
ដើម្បីជាការឆ្លើយតបចំពោះពួកអ្នកខមិនកាន់តែជាន់ពន្លិចកេរ្តិ៍ឈ្មោះនាងបែបនេះ កាលពីម្សិលមិញនេះ ស្រីស្អាត Dalis Kelly ក៏បានបង្ហោះសារបញ្ជាក់លើកចុងក្រោយឲ្យបានច្បាស់យ៉ាងដូច្នេះថា៖ « បញ្ជាក់ម្តងទៀតក៏ជាលើកចុងក្រោយ ?
ខ្ញុំស្គាល់គ្នា3ឆ្នាំជាងតាមហ្វេសប៊ុក ខ្ញុំទាក់ទងគ្នា4ថ្ងៃ ចេញក្រៅជាមួយគ្នាបាន2ដង តែអោបក៏មិនបានអោយវាអោបផង វាcmtប្រាប់គេថារឿងសប្បាយមួយឆាវ រឿងមិនត្រឹមវាជំពាក់លុយធម្មតា ? ហើយអាពួកអត់ខួរខ្លះជឿវាទៀត?
គាត់ជាមនុស្សប្រុសមុខក្រាស់លំដាប់ឆ្នាំម៉ង ខួរឆ្កែឬស្អីទើបទាល់ដល់ថ្នាក់យករឿងចឹងមកបង្ខូចឈ្មោះមនុស្សស្រី? អស់ផ្លូវហើយឬ? ហើយគិតថាគេសរសើមែន? ហា៎លោក វាសនា សំណាង (acc fb name) Pa Yung? ?
ខ្ញុំអហោសិកម្មអោយ ព្រោះយល់មុខម៉ែឪយើងបង្កើតសត្វធាតុហើយទុកចិញ្ចឹមអោយស្អុយឈ្មោះដល់ម្លឹង?»
បន្ថែមពីនេះទៀត នាងក៏បានបង្ហោះបញ្ជាក់ឲ្យខាងប្រុសនោះ ដែលបានប្តូរឈ្មោះអាខោនហ្វេសប៊ុករួចហើយឲ្យបានដឹងថា ត្រឹមពាក្យសុំទោសប៉ុណ្ណឹង ពុំគ្រប់គ្រាន់នោះទេ សម្រាប់ការដែលគាត់បានបង្ខូចកេរ្តិ៍ឈ្មោះរបស់នាងយ៉ាងនេះ ហើយនាងពុំបញ្ចប់រឿងនេះឡើយ ដរាបណា បុរសនោះពុំចេញមុខសុំទោសនាងជាសាធារណៈ ៕ ចន្ទី
