ជាលើកដំបូងក្នុងប្រវត្តិ ក្នុងប្រវត្តិសាស្ត្រ កូរ៉េខាងត្បូង និងកូរ៉េខាងជើង បានរួមឯកភាពគ្នាលើផែនការរំសាយនុយក្លេអ៊ែរ ។ ពន្លកបៃតងបានលេចឡើងលើទឹកដីនៃឧបទ្វីបកូរ៉េ ។
លោក Kim Jong-un ថ្លែងថា ៖ “យើងខ្ញុំបានឯកភាពរួមគ្នាប្រឹងប្រែងប្រែក្លាយជាដែនដីសន្តិភាពមួយគ្មានអាវុធនុយក្លេអ៊ែរ និងគ្មានមហន្តរាយនុយក្លេអ៊ែរ” ។
“ខ្ញុំបានសន្យានឹងប្រធានាធិបតី Moon Jae-in ថា ខ្ញុំនឹងទៅកាន់សេអ៊ូល ក្នុងអនាគតឆាប់ៗនេះ” ។
លោក Moon Jae-in ប្រធានាធិបតីកូរ៉េខាងត្បូងថ្លែងតបថា ៖ “កូរ៉េខាងត្បូង និងកូរ៉េខាងជើង ជាលើកដំបូងបានឯកភាពគ្នាលើផែនការរំសាយនុយក្លេអ៊ែរ ។ នេះជាលទ្ធផលដ៏មានអត្ថន័យមួយ” ។
“កូរ៉េខាងជើងបានយល់ព្រមលុបចោលទាមងស្រុងមូលដ្ឋានសាកល្បងកាំជ្រួច Tong Chang-ri ក្រោមការឃ្លាំមើលរបស់បណ្តាជំនាញការមកពីបណ្តាប្រទេសពាក់ព័ន្ធ” ។
“ខ្ញុំបានអញ្ជើញលោក Kim Jong-un ទៅទស្សនកិច្ចនៅសេអ៊ូល ហើយលោកបានយល់ព្រម ។ ប្រហែលជាលោកនឹងទៅក្នុងឆ្នាំនេះ ប្រសិនបើពុំមានមូលហេតុពិសេសអ្វីរារាំងនោះ” ៕ ចន្ទ្រា
