ក្រសួងកសិកម្មអូស្ត្រាលីឱ្យដឹងថា ចាប់ពីយប់ថ្ងៃទី១៨កញ្ញា នឹងអនុវត្តន៍វិធានការត្រួតពិនិត្យបណ្ដោះអាសន្នចំពោះការនាំចេញផ្លែស្ត្រប៊េរីស្រស់ដែលនាំចេញ បន្ទាប់ពីមានករណីមានបង្កប់ម្ជុលដេរក្នុងផ្លែស្ត្រប៊េរីទាំងនោះជាច្រើនករណី។
វិធានការនោះគឺផ្លែស្ត្រប៊េរីទាំងអស់ដែលនាំចេញត្រូវឆ្លងកាត់ម៉ាស៊ីនស្កែនលោហៈដើម្បីមានការធានាដល់អថិតិជន គិតចាប់ ពីម៉ោង៩ព្រឹកថ្ងៃទី១៩កញ្ញា។ ក្រសួងកសិកម្មប្រទេសនេះប្រកាសថា៖ ចង់ទទួលបានលិខិតអនុញ្ញាតនាំចេញ ផលិតករត្រូវតែបង្ហាញាលិខិតបញ្ជាក់ពីការត្រួតពិនិត្យលោហៈដែលបព្ជាក់ថាទំនិញរបស់ខ្លួនពុំមានលោហៈនៅក្នុងនោះ។
វិធានការនេះនឹងត្រូវបានអនុវត្តន៍រហូតពេលស្ថានការណ៍ខាងលើត្រូវបានសមត្ថកិច្ចរកឃើញមូលហេតុនិងជនល្មើសនិងគ្រប់គ្រងសា្ថនការណ៍ឡើងវិញ។
ភាគីប៉ូលិសវិញឱ្យដឹងថារហូតពេលបច្ចុប្បន្នគេនៅពុំទាន់រកឃើញជនល្មើសនិងមូលហេតុដែលនាំឱ្យកើតរឿងបែបនេះ។
គួររំលឹកថាពីថ្ងៃទី១៣កញ្ញាមកទល់បច្ចុប្បន្នមានរបាយការណ៍ជាច្រើនប្រាប់ថាគេបានឃើញម្ជុលដេរនៅក្នុងផ្លែស្ត្រប៊េរីស្រស់។ហេតុការណ៍ខាងលើបានជះឥទ្ធិពលដល់យីហោក្រុមហ៊ុនផ្គត់ផ្គង់ស្ត្រប៊េរីស្រស់ចំនួន៧ ស្ថិតនៅក្នុងរដ្ឋ៨របស់អូស្ត្រាលី ហើយជះឥទ្ធិលយ៉ាងធ្ងន់ធ្ងរលើវិស័យផលិតដំណាំស្ត្រប៊េរីដែលកំពុងស្ថិតក្នុងរដូវប្រមូលផល៕
លីសា