លោកយាយម្នាក់ បានសម្លាប់ក្រពើទម្ងន់ ២៦០គីឡូក្រាមមួយក្បាល ដើម្បីជាការសងសឹក បន្ទាប់ពីគាត់អះអាងថា ក្រពើនោះបានស៊ីសេះតឿរបស់គាត់មួយក្បាល។
លោកយាយ Judy Cochran វ័យ ៧៣ឆ្នាំ បានអួតថា គាត់បានបាញ់វាមួយគ្រាប់ចាំក្បាល ហើយវាក៏លិចក្នុងទឹកតែម្តង។ គាត់បានរកវាសងសឹកអស់រយៈពេល ៣ឆ្នាំហើយ បន្ទាប់ពីក្រពើនោះបានស៊ីសេះរបស់គាត់នៅវាលស្មៅ ស្ថិតក្នុងតំបន់ Goodrich នៃរដ្ឋតិចសាស (សហរដ្ឋអាមេរិច)។
គាត់បញ្ជាក់ថា គាត់នឹងប្រើប្រាស់គ្រប់ផ្នែកនៃក្រពើនោះឲ្យបានល្អ ដោយសាច់គាត់ទុកបរិភោគ ភ្នែក កន្ទុយ គាត់ទុកដាក់នៅការិយាល័យគាត់ និងផ្នែកផ្សេងៗទៀត ទុកធ្វើស្បែកជើងជាដើម៕ សុភ័ក្ត្រ
ប្រភព៖ NYPost
