វីដេអូមួយដែលបង្ហាញឲ្យឃើញសិស្សប្រុស២នាក់ បោកទូរស័ព្ទរបស់ពួកគេ បន្ទាប់ពីគ្រូចាប់បានប្រើប្រាស់នៅក្នុងថ្នាក់រៀន បានកំពុងទទួលការចាប់អារម្មណ៍ និងចែករំលែកពាសពេញនៅលើបណ្តាញសង្គមចិន ។
ហេតុការណ៍នេះបានកើតឡើងនៅសាលាមធ្យមសិក្សាមួយ នៅក្នុង Yongzhou ខេត្ត Hunan កាលពីថ្ងៃទី៤ កញ្ញា ។
នៅក្នុងវីដេអូ សិស្សប្រុស២នាក់ បានបញ្ចេញសកម្មភាពបោកទូរស័ព្ទរបស់ពួកគេ ទៅនឹងឥដ្ឋ ស្ថិតនៅចំពោះមុខគ្រូៗ និងមិត្តរួមថ្នាក់របស់ពួកគេ ។
នៅពេលសិស្សទី១ បង្ហាញកាយវិការពុំបោកខ្លាំង ដើម្បីឲ្យឧបករណ៍អេឡិចត្រូនិកនេះខូចខាត សិស្សប្រុសនោះត្រូវបានប្រាប់ឲ្យរើសវាឡើង និងព្យាយាមបោកម្តងទៀត ។
បើតាមសេចក្តីរាយកាណ៍ឲ្យដឹង សាលាបានហាមឃាត់ការប្រើប្រាស់ទូរស័ព្ទដៃ នៅក្នុងបរិវេណជាមួយគោលនយោបាយមិនអត់ឱន ចំពោះទង្វើបង្កជំងឺខួរក្បាល ។
យោងតាម The Paper គ្រូម្នាក់ឈ្មោះ Xiong បានចាប់បានកូនសិស្សប្រុសទាំងនេះ កំពុងលេងជាមួយទូរស័ព្ទរបស់ពួកគេ ក្នុងអំឡុងពេលរៀនសូត្រខ្លួនឯងនៅពេលល្ងាចមួយ ។
Xiong ដែលបង្រៀនខាងនយោបាយ បានអះអាងថា សិស្សប្រុសទាំងពីរនេះ បានសម្រេចចិត្ត «ដោយស្ម័គ្រចិត្ត» ដើម្បីបំផ្លាញទូរស័ព្ទរបស់ពួកគេ បន្ទាប់ពីបានដឹងពីកំហុសរបស់ពួកគេ ទោះបីគាត់បានទាមទារពួកគេម្តងហើយម្តងទៀត ឲ្យធ្វើដូច្នេះកាលពីយប់មុនក៏ដោយ ។
China News បានរាយការណ៍ថា រដ្ឋបាលសាលាបានសម្រេចចិត្តថា Xiong បានរំលោភលើបទប្បញ្ញត្តិរបស់ក្រសួងអប់រំល ទាក់ទងនឹងការប្រើប្រាស់ទូរស័ព្ទនេះ ។
ពួកគេបានកំណត់ថា Xiong បានធ្វើត្រឹមនៅក្នុងការអនុវត្តគោលការណ៍របស់សាលា ប៉ុន្តែ បានច្រានចោលវិធីសាស្ត្រដាក់វិន័យបែបនេះរបស់គាត់ថាជាទង្វើ «មិនសមរម្យ» ។ ប្រាក់ខែរបស់គាត់ ត្រូវបាន «កាត់» ចេញមួយចំនួនដោយសារលទ្ធផលនេះ ។
សាលានឹងប្តេជ្ញាកែលម្អវិធីសាស្ត្រគ្រប់គ្រងរបស់ខ្លួនឲ្យល្អប្រសើរ ទាក់ទងនឹងកូនសិស្សប្រើប្រាស់ទូរស័ព្ទ ។
ទន្ទឹមនោះផងដែរ អ្នកលេងអ៊ិនធើរណែតជាច្រើន បានថ្កោលទោសចំពោះសកម្មភាពដាក់វិន័យដ៏ពុំសមរម្យនេះ ដែលក្នុងនោះលើកឡើងថា៖ «គ្រូបង្រៀននេះពិតជាមនុស្សឆ្កួតសុទ្ធហ្មង!!» ៕ ឧត្តម (nextshark)
