តាមទីភ្នាក់ងារសារព័ត៌មានYonhap ដកស្រង់សម្ដីរបស់លេខាធិការព័ត៌មាននៃប្រធានាធិបតីកូរ៉េខាងត្បូងលោកYoon Young Chan ថ្លែងក្នុងសន្និសទីសារព័ត៌មាននាល្ងាចថ្ងៃទី២០កញ្ញាថា ខណៈពេលដែលប្រធានាធិបតីនិងភរិយាកំពុងស្ថិតនៅកូរ៉េខាងជើង កាដូរបស់លោកប្រធានKim បានមកដល់ទីនេះ។ផ្សិតស្រស់ចំនួន២តោនត្រូវបានយន្ដហោះដឹកជញ្ជូនមកកាន់មូលដ្ឋានទ័ពអាកាសេអ៊ូលនៅ Seongnam វេលាម៉ោង៥និង៣០នាទីព្រឹក។
លោកYoung ក៏បានឱ្យដឹងបន្ថែមថាផ្សិតទាំងអស់នេះនឹងត្រូវបានចែកស្មើគ្នាឱ្យដល់បណ្តាគ្រួសារដែលរងការព្រាត់ប្រាសដោយសារសង្គ្រាមរវាងកូរ៉េទាំងពីរនិងអ្នកដែលពុំទាន់បានជួបជុំនឹងសាច់ញាតិរបស់ពួកគេកំពុងរស់នៅកូរ៉េខាងជើងតាមបញ្ជារបស់ប្រធានាធិបតី Moon Jae In ។
លោកYoung បានរំលឹកពាក្យផ្ដាំផ្ញើរបស់លោក Moon ថា ខ្ញុំសង្ឃឹមថាផ្សិតដែលមានក្លិនដើមរបស់កូរ៉េខាងជើងទាំងស្រុងនោះអាចជួយលួងលោមពួកគេមួយផ្នែកដែរ ហើយវិមានប្រធានាធិបតីនឹងជ្រើសរើសមនុស្ស៤០០០នាក់ ដោយអាទិភាពមនុស្សចាស់ ដោយម្នាក់ៗនឹងទទួលបានផ្សិតនេះ៥០០ក្រាមនៅមុនពិធីបុណ្យChuseok (បុណ្យសំពះព្រះខែ) ។
កាយវិការខាងលើរបស់មេដឹកនាំរដ្ឋការក្រុងព្យុងយ៉ាង ហាក់ដូចជាផ្នែកមួយនៃទម្លាប់ជូនកាដូការទូតរវាងប្រទេសទាំងពីរ។ប៉ុន្ដែគេនៅពុំទាន់ដឹងអំពីកាដូរបស់លោកMoon Jae In ជូនឱ្យកូរ៉េខាងជើងនៅឡើយទេ៕
សូយន
