លលាដ៍ក្បាលមនុស្ស និងឆ្អឹងជើង២ដ៏អាថ៌កំបាំង ត្រូវបានរកឃើញរួមជាមួយអាវបំពង់ជាសម្លៀកបំពាក់មន្ទីរពេទ្យ ស្ថិតនៅក្នុងព្រៃមួយ នៅក្នុងស្រុក Nong Kee ខេត្ត Buri Ram ប្រទេសថៃ កាលពីថ្ងៃពុធ ។
អ្នកភូមិជាច្រើន ដែលបានកំពុងប្រមូលរុក្ខជាតិអាចបរិភោគបាន នៅក្នុងព្រៃសហគមន៍ Ban Sa Kae នៅក្នុង Tambon Buk Krasang បានរកឃើញឆ្អឹងមនុស្សនេះ ចម្ងាយប្រហែល ២ គីឡូម៉ែត្រ ពីផ្លូវ Chokchai-Dej Udom ។
សម្លៀកបំពាក់អាវបំពង់សម្រាប់ក្នុងមន្ទីរពិសោធន៍ពេទ្យនោះ មាននិមិត្តសញ្ញារបស់ក្រសួងសុខាភិបាលសាធារណៈ ។
ភាសា, ខោខូវប៊យ១គូ, ខោអាវទ្រនាប់ពណ៌ខ្មៅ, ខ្សែក្រវ៉ាត់ និងស្បែកជើងប៉ាតាពណ៌ស១ ក៏ត្រូវបានរកឃើញនៅក្បែរនោះផងដែរ ។
ពុំមានអត្តសញ្ញាណប័ណ្ណ ត្រូវបានរកឃើញនោះទេ ។
វេជ្ជបណ្ឌិតម្នាក់មកពីមន្ទីរពេទ្យ Nong Kee និយាយថា ឆ្អឹងមនុស្សទាំងនោះ ប្រហែលជាសាកសពរបស់ស្ត្រីម្នាក់ ដែលបានស្លាប់ ៦ ទៅ ៧ ខែមុន ។
សំណល់សាកសពទាំងនោះ ត្រូវបានបញ្ជូនទៅកាន់វិទ្យាស្ថានវេជ្ជសាស្ត្រកោសល្យវិច្ច័យ នៅមន្ទីរពេទ្យប៉ូលីស ដើម្បីកំណត់អត្តសញ្ញាណ ៕ ឧត្តម (ប្រភព៖ The Nation)
