វាគឺជារឿងគួរឲ្យរន្ធត់ណាស់ ខណៈពេលដែលមានមនុស្សជាច្រើននាក់កំពុងឈរលេងនៅលើថ្មសុខៗ ស្រាប់តែឃើញមានទឹកយ៉ាងច្រើន មិនដឹងហូរមកពីណាបណ្តាលឲ្យមនុស្សចំនួន ៥នាក់ ជាប់នៅលើផ្ទាំងថ្ម ខណៈទឹកកំពុងហូរបុកមកខ្លាំង។
មុនពេលគ្រោះធម្មជាតិនេះកើតឡើង មានមនុស្សប្រហែល ១០នាក់ឈរលេងលើថ្ម ហើយនៅពេលឃើញទឹកយ៉ាងច្រើនហូរមក ពួកគេមួយចំនួនព្យាយាមរត់ចេញ ប៉ុន្តែជាអកុសលមនុស្ស ៥នាក់រត់ចេញមិនទាន់ បណ្តាលឲ្យពួកគេជាប់នៅលើផ្ទាំងថ្ម ខណៈពេលទឹកចេះតែហូរមកខ្លាំងទៅៗ។
បើតាមវីដេអូខ្លីបរយៈពេលជាងមួយនាទី បង្ហាញថា នៅពេលទឹកហូរបុកមកខ្លាំង ពួកគេព្យាយាមប្រមូលផ្តុំគ្នាដើម្បីតោងគ្នាទៅវិញទៅមក ប៉ុន្តែមួយសន្ទុះក្រោយមក កម្លាំងទឹកដ៏ខ្លាំង ក៏បានហូរគួចពួកគេទៅបាត់យ៉ាងរន្ធត់៕ សុភ័ក្ត្រ
