តាមCNNដែលដកស្រង់សម្តីអ្នកនាំពាក្យប៉ូលិសរដ្ឋ New South Wales ឱ្យដឹងថា អតិថិជនម្នាក់បានប្រទះឃើញម្ជុលដេរយ៉ាងស្រួចនៅក្នុងផ្លែស្វាយដែលលោកបានទិញនៅជាយក្រុងGosford ខាងលិច។គេគ្រាន់តែបង្ហើបប្រាប់ថានោះ គឺជាបុរសម្នាក់ ហើយគាត់បានរកឃើញម្ជុលដេរនៅពេលចិតផ្លែស្វាយនេះ។ ប៉ូលិសក៏បានរក្សាទុកម្ជុលដេរនេះដើម្បីត្រួតពិនិត្យ។ក្នុងករណីខាងលើពុំមានអ្នករងរបួសទេ។
ព័ត៌មានខាងលើត្រូវបានប្រកាសក្នុងថ្ងៃតែមួយ គ្រាដែលបណ្ដាញផ្សារទំនើបWoolworths បានប្រកាសលក់ម្ជុលដេរក្នុង ប្រព័ន្ធរបស់ខ្លួន។ក្នុងពេលនោះដែរប៉ូលិសអូស្ត្រាលីទទួលបានរបាយការណ៍ពីរឿងផ្លែឈើមានបង្កប់ម្ជុលដេរយ៉ាងតិច១០០ករណី។
របាយការណ៍ករណីខាងលើកើតមានដំបូងនៅរដ្ឋQueensland កាលពីសប្តាហ៍មុន។ចាប់តាំងពីពេលនោះមក រដ្ឋទាំង៦របស់អូស្ត្រាលីសុទ្ធសឹងទទួលបានរបាយការណ៍ស្រដៀងគ្នានេះទាក់ទងដល់យីហោស្ត្រប៊េរីចំនួន៦។ ចំណែកករណីកើតឡើងចំពោះចេកនិងផ្លែប៉ោមមានតិចតួចទេ។
អូស្ត្រាលីនាំចេញស្ត្រប៊េរីទៅកាន់ប្រទេសមួយចំនួន៖ ម៉ាឡេស៊ី សិង្ហបុរី ថៃ UAE។ល។ ហេតុនេះព្រឹត្តិការណ៍ខាងលើបានបង្កការខូចខាតយ៉ាងធ្ងន់ធ្ងរ៕
សូយន