តាមYonhap កាលពីថ្ងៃទី២១ ខែកញ្ញានេះ លោកKim Hyun-chul ទីប្រឹក្សាសេដ្ឋកិច្ចពិសេសរបស់ប្រធានាធិបតីកូរ៉េខាងត្បូង Moon Jae-in ឱ្យដឹងថា ឧបនាយករដ្ឋមន្ត្រីកូរ៉េខាងជើង Ri Ryong-nam បានសារភាពថា ខឿនសេដ្ឋកិច្ចប្រទេសនេះកំពុងជួបប្រទះការលំបាក ហើយស្នើសុំដល់កូរ៉េខាងត្បូងជួយ។
សម្តីបែបនេះរបស់កូរ៉េខាងជើងពិតជាកម្រមានណាស់ ។ការលើកឡើងនោះគឺនៅក្នុងឱកាសជួបជាមួយបណ្ដាក្រុម ហ៊ុនធំៗរបស់កូរ៉េខាងត្បូងដែលអមដំណើរប្រធានាធិបតីMoon Jae-in ទៅទស្សនកិច្ចនិងរួមប្រជុំសន្និសីទកំពូលអន្តរកូរ៉េលើកទី៣។ ប្រភពដដែលឱ្យដឹងថា កូរ៉េខាងជើងមានបំណងចង់ទាក់ទាញវិនិយោគនិងបច្ចេកវិជ្ជាពីកូរ៉េខាងត្បូង បំណងកែសម្រួលខឿនសេដ្ឋកិច្ចប្រទេសខ្លួន៕
លីសា