វីដេអូមួយដែលបង្ហាញនារីម្នាក់ បង្គាប់ម្តាយបង្កើតរបស់នាង អង្គុយជូតសម្អាតស្បែកជើងរបស់នាងនៅលើដងផ្លូវ ក្រោមតំណក់ទឹកភ្លៀង បានកំពុងបង្កឲ្យមានការរិះគន់យ៉ាងខ្លាំងនៅលើអ៊ីនធើរណេត ។ ហេតុការណ៍ដ៏ហួសចិត្តនេះបានកើតឡើងនៅក្បែរបរិវេណមួយ នៃផ្លូវ Pu’an ទីក្រុងសៀងហៃ, នេះបើយោងតាម Kanka News ។
តាមរយៈវីដេអូ នារីស្ថិតក្នុងសម្លៀកបំពាក់ទាន់សម័យ បានឲ្យម្តាយរបស់នាងអង្គុយចុះ ដើម្បីជូតសម្អាតស្បែកជើងរបស់នាង ដែលត្រូវបានប្រឡាក់ដីដោយសារភ្លៀង ។
នារីដែលត្រូវបានជឿថាមានអាយុប្រហែល ២០ ឆ្នាំ បន្ទាប់មក ត្រូវបានលឺស្រែកថា៖ «ពួកវាពុំទាន់ស្អាតល្អទេ!» ។
បន្ទាប់ «ជូតសម្អាតដោយក្តីស្រលាញ់» នារីនោះបានស្តីបន្ទោសឲ្យម្តាយថា បានធ្វើឲ្យនាងឈឺជើង ជាមួយក្រចករបស់ដៃគាត់ ។
«ម៉ែឯងបង្កបញ្ហាហ្មង ម៉ែឯងធ្វើឲ្យឈឺ!»
អ្នកលេងអ៊ីនធើរណែតជាច្រើន បានចូលខមិនបញ្ចេញទស្សនៈផ្សេងៗគ្នាថា៖
- «នេះជាម្ចាស់ក្សត្រីនៅលើដងផ្លូវ»
- «កង្វះខាតនៃផ្អែកអប់រំរៀនសូត្រ ជាកត្តនាំឲ្យកើតមានរឿងដ៏ពុំនឹកស្មាននេះ»
- «ម្តាយម្នាក់ធ្វើខុសហើយ ព្រោះតែនាងស្រលាញ់កូនស្រីខ្លាំងពេក ហើយកូនស្រីរបស់គាត់នេះក៏ខុសធ្ងន់ ព្រោះនាងជាមនុស្សភ្លើ»
ចុះប្រិយមិត CEN វិញ យល់ឃើញយ៉ាងណាដែរ ?
ចន្ទី (ប្រភព៖ nextshark)
