កាសែត Daily Star ទើបចុះផ្សាយអត្ថបទសម្ភាសន៍បុរសប្រកាសបានរកឃើញសាកសពយន្តហោះ MH370 ក្នុងតំបន់ព្រៃមួយនៅកម្ពុជា។
នៅរាត្រីមួយកាលពី២ឆ្នាំមុនIan Wilso អាយុ៣៧ឆ្នាំកំពុងកើតជំងឺដេកមិនលក់។ គាត់បានសម្រេចចិត្តបើក Laptop ហើយមើល Google Maps។
ស្ថិតនៅក្បែរសង្សាររបស់ខ្លួនគឺនាង Sarah Barry Wilson «ព្រឺរោម»ពេលឃើញវត្ថុមួយពណ៌សដ៏អាថ៌កំបាំងនៅកម្ពុជា។
លោកបាននិយាយប្រាប់ Daily Star Onlineថា« ខ្ញុំមិនបានដេកទេមួយយប់នោះ។ខ្ញុំមិនអាចដេកបានគ្រាសម្លឹងឃើញយន្ដហោះនោះ ព្រោះមើលទៅវាពិតប្រាកដណាស់ ហើយខ្ញុំកាន់តែព្រឺសម្បុរ។
Wilson គឺជាអ្នកចេះប្រើប្រាស់ Google Maps យ៉ាងជំនាញក្នុងផលិតករវីដេអូ ១០ឆ្នាំមកហើយ។ ហេតុនេះភ្លាមៗនោះលោកជឿថាបានបកស្រាយពីអាថ៌កំបាំងរបស់MH370 ។
ប៉ុន្មានយប់មុននោះ បុរសដែលរស់នៅCamden ប្រទេសអង់គ្លេសទើបតែទស្សនាភាពយន្តឯកសារមួយអំពីជើងហោះហើរដែលធ្លាក់ចុះនៅព្រៃAmazonកាលពីឆ្នាំ១៩៨៩។
ខ្សែភាពយន្តនេះឯងបានបង្កើតថាមពលធ្វើឱ្យលោកWilson ធ្វើដំណើរស្វែងរកយន្តហោះក្នុងព្រៃនៅកម្ពុជា។
Wilson កាន់តែជឿជាក់លើការសន្និដ្ឋានរបស់ខ្លួនក្រោយពេលចូលក្រាហ្វិកទៅក្នុង Google Earth រួចផ្ទេរទៅកាន់កម្មវិធីពិនិត្យមើលផ្ទៃដី3D។
ផ្តើមចេញពីនោះមកលោកបានពិនិត្យឃើញថា យន្ដហោះស្ថិតនៅជម្រាលភ្នំមានមុំ៤៥ដឺគ្រេ។
Wilson ក៏ប្រើប្រាស់ឧបករណ៍ Google Earth ដើម្បីវាស់ប្រវែងសាកសពយន្ដហោះហើយលទ្ធផលគឺប្រមាណ៧០ម៉ែត្រវែងជាយន្តហោះ Boeing 777-200បន្តិចតែវាមានចន្លោះអាថ៌កំបាំងរវាងកន្ទុយនិងខ្លួនយន្ដហោះ។
យន្ដហោះដែលWilson រកឃើញស្ថិតនៅចម្ងាយពីរដ្ឋធានីភ្នំពេញប្រមាណ៩៦គីឡូម៉ែត្រដែលជាតំបន់មួយស្ថិតក្នុងរង្វង់គួរឱ្យសង្ស័យណាស់ ព្រោះតែMH370 បានបាត់ទំនាក់ទំនងខណៈពេលឆ្លងពីដែនអាកាសម៉ាឡេស៊ីចូលមកវៀតណាម។
ទោះយ៉ាងណាWilson ក៏និយាយថា គ្មានព័ត៌មានណាប្រាកដឡើយ លើកលែងតែឃើញយន្ដហោះ ឬរកឃើញប្រអប់ខ្មៅរបស់វា។
បណ្តាអ្នកជំនាញការនិយាយថា រូបភាពដែលWilson ថតបានគឺជាយន្ដហោះកំពុងហោះ ហើរបានថតទុកនៅខណៈពេលនោះនិងពុំលុបចោល។ប៉ុន្តែ Wilson ដាច់ខាតនៅតែជឿជាក់ថា នេះគឺជារូបភាពថតយន្តហោះនៅលើផ្ទៃដី។
លោកបានប្រាប់Daily Starថា «ការចាប់យកពីគ្រប់មុំដែលអាចធ្វើបាន ខ្ញុំពិនិត្យឃើញយន្តហោះស្ថិតនៅលើភ្នំ ហើយអ្នកអាចឃើញថាវាដេកនៅលើដី។
Wilson បានទៅជួបវេជ្ជបណ្ឌិតដើម្បីចាក់វ៉ាក់សាំងបង្ការមុនពេលដែលលោកធ្វើដំណើរចូលព្រៃកម្ពុជាស្វែងរកយន្តហោះ។
ប្រើប្រាស់ប្រាស់ Google Maps របស់ខ្លួន Wilson អាចហោះហើរទៅប្រទេសអាស៊ីអាគ្នេយ៍នៅដើមខែតុលាបន្ទាប់ពីបានចុះកិច្ចសន្យាជាមួយក្រុមឧទ្ធម្ភាគច្រកម្ពុជា។
Wilson បុរសដែលមានកូន២នាក់និយាយបន្ថែមថា ខ្ញុំមិនខ្លាចក្នុងការចាក់ថ្នាំបង្ការ ហើយប្រើប្រាស់លុយសន្សំរបស់ខ្លួន ហើយស្វែងរកយន្តហោះទេ។ខ្ញុំពិតជាម៉ឺងម៉ាត់ចំពោះការងារនេះ។ ខ្ញុំស្តាយដែលមុននេះខ្ញុំគ្មានមធ្យោបាយដើម្បីទៅ ហើយធ្វើការស៊ើបអង្កតយន្ដហោះMH370ដែលបានបាត់ខ្លួននោះ។ពេលខ្ញុំ ទៅខ្ញុំនឹងមិនបន្សល់ទុកសំណួរណាមួយដែលគ្មានចម្លើយនោះទេ។ ប្រិយមិត្តទាំងឡាយសូមជឿជាក់ចំពោះរឿងនេះ៕
សូយន