គេបានដឹងថា ប្រធានាធិបតីអាមេរិក Donald Trump កំពុងតែពិនិត្យមើលការពង្រាងក្រឹត្បច្បាប់ថ្មីមួយសំដៅការស៊ើបអង្កេត ប្រឆាំងនឹងការផ្តាច់មុខនឹងឧក្រិដ្ឋកម្មសហព័ន្ធដោយផ្តោតសំដៅទៅលើ Google និង Facebook ។
មាត្រា១នៃពង្រាងក្រឹត្យនេះសរសេរថា «បណ្តាស្ថាប័នមានសមត្ថកិច្ចនឹងអនុវត្តន៍ច្បាប់មានសិទ្ធិប្រើប្រាស់បទបញ្ជានេះដើម្បីជំរុញឲ្យមានការប្រកួតប្រជែង និងធានាថាពុំមានស្ថាប័ន Online ណាមួយធ្វើការសម្របសម្រួលទីផ្សារតាមទិសដៅបង្កអន្តរាយដល់អ្នកប្រើប្រាស់រួមទាំងព័ត៌មានលំអៀង។
ប៉ុន្តតាមWashington Post ដែលដកស្រង់សម្ដីជំនួយការ៣រូបរបស់សេតវិមានឱ្យដឹងថា ពួកគេពុំបានពង្រាងអ្វីមួយណាទាំងអស់ ហើយក៏មិនដឹងអំពីឫសគល់នៃឯកសារកំពុងត្រូវបានផ្សព្វផ្សាយ។ ក្នុងពេលជាមួយគ្នានោះ មន្ត្រីជាន់ខ្ពស់ម្នាក់ថ្លែងថា ពង្រាងនេះពិតជាពុំទាន់ត្រូវបានអនុម័តជាផ្លូវការ។
គួររំលឹកថា កាលពីខែមុន លោក Trump បានព្រមានចំពោះបណ្ដាក្រុមហ៊ុនបច្ចេកវិជ្ជាធំៗឱ្យប្រយ័ត្នប្រយែង រួមទាំងរិះគន់ចំពោះលទ្ធផលនៃការ«ស្វែងរក»ដែលលោកថាវា«ភូតកុហក» ។ជាអាទិ៍ប្រធានាធិបតីអាមេរិក Trump ពោលថា កន្លងមក«ព័ត៌មានអំពី Trump »នៅលើGoogle ស្ទើរតែទាំងអស់សុទ្ធសឹងជាព័ត៌មានអសកម្មអំពីរូបលោក៕
លីសា
