ភាពតក់ស្លុតបង្កឡើងដោយម្ជុលបង្កប់ក្នុងស្ត្រប៊េរីបានរាលដាលពីអូស្ត្រាលីទៅដល់ New Zealan ហើយ បន្ទាប់ពីអតិថិជនម្នាក់បានប្រទះឃើញវាក្រោយពីបានទិញផ្លែស្ត្រប៊េរីពីផ្សារទំនើបមួយនៅ Auckland-New Zealand។
បណ្ដាញផ្សារទំនើប Countdown របស់ New Zealan ប្រកាសថានឹងបោះបង់ចោលយីហោ Choice ដែលជាឡូហ្គោស្ត្រប៊េរីរបស់ក្រុមហ៊ុនអូស្ត្រាលីមួយចេញអស់ពីបណ្ដាញផ្សាររបស់ខ្លួនក្នុងទូទាំងប្រទេស -នេះបើតាម AFP ចេញផ្សាយថ្ងៃទី២៣កញ្ញា។ ស្ត្រប៊េរីទាំងនេះមានដើមកំណើតមកពីរដ្ឋអូស្ត្រាលីខាងលិច ហើយផ្សារទំនើបនេះបានប្រកាសថា អតិថិជនណាក៏អាចយកទំនិញនេះមកសងដើម្បីទទួលយកលុយវិញប្រសិនបើមានការខ្លាចបរិភោគស្ត្រប៊េរី យីហោនេះ។
កសិករអូស្ត្រាលីបំផ្លាញចោលផ្លែឈើនេះដោយសារលក់ពុំបាន។ទន្ទឹមនឹងCountdown ក៏ទូន្មានអ្នកបរិភោគទាំងឡាយគួរគប្បីពុះវាជាពីរមុននឹងបរិភោគ។
គូររំលឹកថា នៅអូស្ត្រាលីគេបានរកឃើញករណីខាងលើជាង១០០ដែលម្ជុលដេរឬគំនាបក្រដាសត្រូវបានបង្កប់ក្នុងផ្លែឈើមួយចំនួនតាំងពីស្ត្រប៊េរី ចេក និងស្វាយ៕
សូយន