តាមកាសែតThe Local អ្នកដំណើរអាយុ៣២ឆ្នាំម្នាក់នៅអាល្លឺម៉ង់ កំពុងដាក់ពាក្យប្ដឹងរដ្ឋាភិបាល ព្រោះគាត់ពុំអាចឡើងយន្តហោះទាន់ពេលដើម្បីធ្វើដំណើរទៅអេស្ប៉ាញបាន ព្រោះតែច្រកត្រួតពិនិត្យសន្ដិសុខនៅព្រលានយន្ដហោះអន្តរជាតិធ្វើការយឺតពេក។
ដើមបណ្ដឹងបានទៅដល់ព្រលានយន្ដហោះមុនពេលម៉ោងហោះហើរប្រមាណ២ម៉ោង ដើម្បីបំពេញបែបបទ ប៉ុន្ដែគាត់ត្រូវ រង់ចាំជាងមួយម៉ោងនៅកន្លែងត្រួតពិនិត្យសន្ដិសុខ ហើយពេលចេញផុតពីច្រកទ្វារនោះយន្ដហោះបានចាកចេញចោលបាត់។
នៅក្នុងពាក្យបណ្ដឹងពាណិជ្ជកររូបនេះបានទាមទារឱ្យរដ្ឋាភិបាលអាល្លឺម៉ង់ក្នុងតួនាទីជាអ្នកគ្រប់គ្រងប៉ូលិសសហព័ន្ធនេះនិងកងកម្លាំងតាមដានសន្តិសុខអាកាសយានដ្ឋាន ហើយទាមទារឱ្យសងជំងឺចិត្ត៧៤០អឺរ៉ូ។
ដើមបណ្ដឹងសំអាងហេតុផលថា ព្រោះតែច្រកទ្វារនិងបុគ្គលិកសន្តិសុខមានតិចតួចពេក ពុំអាចបំពេញការងារទាន់ពេលបាន។ហេតុនេះទើបគាត់ត្រូវយន្ដហោះហោះហើរចោល៕
លីសា
