C-5 Galaxy ជាយន្តហោះមួយប្រភេទ ស្ថិតក្នុងចំណោមយន្តហោះដឹកជញ្ជូនធុនធ្ងន់យុទ្ធសាស្ត្ររបស់យោធាអាកាសអាមេរិក ត្រូវបានប្រៀបប្រដូចនឹងឃ្លាំងចល័តមួយអាចផ្ទុកបានទំនិញ (យោធភណ្ឌ) មានទម្ងន់ដល់ទៅ ១៤២ តោន។
នេះគឺជាផលិតផលរបស់សម្ព័ន្ធក្រុមហ៊ុន Lockeed Martin ហើយផលិតសម្រាប់ដឹកប្រភេទទំនិញ “ហួសខ្នាត” បម្រើឲ្យប្រតិបត្តិការយុទ្ធសាស្ត្រអន្តរទ្វីប។
យន្តហោះត្រូវបានរចនាប្លង់ពិសេស បើកបានទាំងទ្វារនៅក្បាលក្រោមកន្ទុយដើម្បីដាក់បញ្ចូលបានប្រភេទទំនិញ “ហួសមាឌ”។
តាម Business Iusider C-5 Galaxy ប្រវែង 37m កម្ពស់ ៤,១ម៉ែត្រ ទទឹង 5,8 ហើយអាចផ្ទុកយោធភ័ណ្ឌស្ទើតែទាំងអស់របស់កងទ័ពអាមេរិក រួមទាំងទំនិញដែលសំពីងសំពោងបំផុត។ ជាអាទិ៍ វាអាចដឹកបាន ៖ រថក្រោះ M1A1Abram ២គ្រឿង ឧទ្ធម្ភាចក្រវាយលុក AH-64 Apache ៦គ្រឿង ឬរថយន្តក្រុងខ្នាតធំ ៦គ្រឿង យន្តហោះដឹកជញ្ជូនខ្នាតធំ C-130 មួយគ្រឿង និងនាវាមុជទឹកមួយគ្រឿង។
“ឃ្លាំងចល័តលើអាកាស” មានល្បឿនអតិប្បរមាជិត ១.០០០គីឡូម៉ែត្រ/១ម៉ោង ហើយអាចហោះហើរបានរយៈចម្ងាយជិត ៤.៥០០km ហើយពុំតម្រូវចាក់បន្ថែមឥន្ធនៈ។
រូបភាពមួយចំនួនអំពី C-5 Galaxy ផ្តល់ឲ្យដោយ កងទ័ពអាមេរិក៖
ដោយ ៖ អាទិត្យ
