នៅថ្ងៃទី ១៦ ខែកញ្ញា កន្លងមក ទីក្រុងណាមនីង ខេត្តហ៊ួប៉ី ប្រទេសចិន បានកើតឡើងរឿង “ដណ្តើម កូនកម្លោះ” ក្នុងមង្គលការមួយដែលភ្ញៀវចូលរួមវង្វេងវង្វាន់ ព្រោះលែងដឹងថា ម្នាក់ជាកូនក្រមុំ ។
ដំបូងឡើយកូនកម្លោះកូនក្រមុំដឹកដៃគ្នាត្រសង ញញឹមពព្រាយទទួលស្វាគមន៍ភ្ញៀវចូលរួម ។ ប៉ុន្តែមួយសន្ទុះក្រោយស្រាប់តែចាប់ផ្តើមឃើញនារីម្នាក់សម្រុកចូលបោចសក់ ប្រតាយប្រតប់ នឹងកូនក្រមុំ ពណ៌សដូចគ្នា ។
វាយប្រហារលើកូនក្រមុំបណ្តើរ នាងស្រែកថា ៖ ក្នុងពោះខ្ញុំមានកូនរបស់កូនកម្លោះ ។ ហេតុនេះតំណែងកូនក្រមុំគឺជា…ខ្ញុំ ។
ឮបែបនេះកូនក្រមុំពិតជាតក់ស្លុតអារម្មណ៍ ដួលគ្រិបទៅលើដីតែម្តង ។ កូនកម្លោះបានតោងដៃ កូនក្រមុំជាប់ខណៈនារីនោះក៏តោងជាប់ដៃកូនកម្លោះបេះមិនចេញ… ។
ទិដ្ឋភាពបែបនេះ ពុំមានអ្នកណាហ៊ានអន្តរាគមន៍ទេ ។
មួយសន្ទុះក្រោយទើបដឹងថា ៖ មុននេះរវាងពួកគេពិតជាមានការស្រឡាញ់ស្វែងយល់ និងរួមរស់ជាមួយគ្នាហើយក៏ចង់រៀបការដែរ ។
ប៉ុន្តែភាគីគ្រួសារកូនក្រមុំទាមទារថ្លៃទឹកដោះដល់ទៅ ១៨០.០០០យាន់ (ប្រមាណ ២៨.០០០ USD) តែគ្រួសារកូនកម្លោះគ្មានលទ្ធភាពឲ្យពួកគេបែកបាក់គ្នាទៅ ។
ក្រោយមកទើបដឹងថា ខ្លួនមានផ្ទៃពោះនឹង “អតីតស្នេហ៍ចាស់” ទើបមកទាមទាររក…យុត្តិធម៌ ហើយថា ៖ តើអាចទទួលយកបានទេថា កូនក្នុងពោះរបស់ខ្ញុំជារបស់ប្រុសម្នាក់ត្រៀមក្លាយជាប្តីរបស់អ្នកផ្សេង? ។
ប្រិយមិត្តយល់យ៉ាងណាដែរ?
ចន្ទ្រា