តាំងពីពេលកើតមក កុមារាMuin Bachonaev មានរោមភ្នែកធ្លាក់ដល់បបូរមាត់ ហើយបច្ចុប្បន្នវាមានប្រវែងប្រមាណកន្លះតឹក។
តាម The Sun ក្មេងប្រុសMuin Bachonaev ត្រូវបានកត់ត្រានៅក្នុងសៀវភៅឯតទគ្គកម្ម ព្រោះតែមានរោមភ្នែកប្រវែងជិតកន្លះតឹក។
តាមកាសែត KP.ru ដែលដកស្រង់សម្ដីក្មេងមានរោមភ្នែកខុសប្លែកពីគេនេះឱ្យដឹងថា៖ វារស់នៅដូចជាអ្នកដទៃ ហើយពុំតម្រូវឱ្យមានការថែទាំអ្វីចំពោះរោមភ្នែកខ្លួនទេ។ថ្វីត្បិតរោមភ្នែកវែងដូច្នេះ តែពុំរំខានដល់ការរស់នៅឡើយ។
ក្មេងប្រុសអាយុ១១ឆ្នាំនេះចូលចិត្តទាត់បាល់ ហើយសង្ឃឹមថានឹងក្លាយជាកីឡាករល្បីល្បាញម្នាក់
លោកZaidullo ដែលជាឳពុកឱ្យដឹងថា ពេលកូនរបស់ខ្លួនដើរតាមផ្លូវ មនុស្សទាំងឡាយសុទ្ធសឹងសម្លឹងមើលវា។ប៉ុន្តែចំពោះវាគ្មានអ្វីរំខានឡើយ។ពួកខ្ញុំក៏បាននាំវាទៅពិនិត្យនៅមន្ទីរពេទ្យជាច្រើន ហើយគេប្រាប់ថាវាមានសុខភាពល្អ គ្មានបញ្ហាអ្វីទេ ហើយការលូតលាស់លឿនរបស់រោមភ្នែកទាក់ទងនឹងហ្សែនប៉ុណ្ណោះ៕
សូយន
