យោងតាម ET Today គូស្នេហ៍១គូបានទៅកាន់សណ្ឋាគារមួយ កាលយប់ពីថ្ងៃទី១១ កញ្ញា ។ នៅពេលនោះ ខាងស្រីឈ្មោះ Zhang ក៏មានអារម្មណ៍ឃ្លាន ដូច្នេះ នាងបានយកធូរ៉េនដែលនាងបានទិញ ព្រោះនាងចង់ញ៉ាំវា ។ ទោះយ៉ាងណា មិត្តប្រុសរបស់នាងបាននិយាយលេងបន្លំមានថា គាត់មិនចង់ឲ្យនាងញ៉ាំធូរ៉េននៅទីនេះទេ ហើយបានស្នើនាងឲ្យរង់ចាំញ៉ាំវានៅផ្ទះវិញទៅ ។
នាងបានផ្ទុះកំហឹង នៅពេលនាងបានលឺបែបនេះ ហើយយកធូរ៉េនវាយមិត្តប្រុសរបស់នាង ដែលកំពុងដេកនៅលើគ្រែ ហើយសូម្បីទាត់គាត់ ។ ខណៈព្យាយាមធ្វើឲ្យនាងស្ងប់អារម្មណ៍ មិត្តប្រុសរបស់នាងក៏បានតបតដោយទះនាងមួយដៃស្រាល ដែលធ្វើឲ្យនាងកាន់តែឈឺចាប់ ។ តាមរយៈកំហឹងនេះ នាងក៏បានលើកទូរស័ព្ទហៅប៉ូលីស និងប្រាប់ពួកគេថា នាងត្រូវបានរំលោភ ។
ប៉ូលីសបានប្រញាប់ប្រញាល់ទៅកាន់បន្ទប់សណ្ឋាគារ ប៉ុន្តែ ស្រាប់តែបានភ្ញាក់ផ្អើលទៅវិញ នៅពេលពួកគេរកឃើញថា ពុំមានសញ្ញាណាមួយនៃការរំលោភ ខណៈនាងមិនមានរងរបួសនៃការរំលោភសេពសន្ថវៈណាមួយនោះ ។ នៅពេលពួកគេពិតបន្ទប់ ឃើញថាល្អស្អាត និងពុំរកឃើញសញ្ញានៃការតស៊ូរើបម្រាស់នៅក្នុងនោះទេ ។
នៅទីបំផុត Zhang បានសារភាពថា នាងបានចោទប្រកាន់មិត្តប្រុសដោយបង្ខំចិត្ត ព្រោះនាងខឹងគាត់ដែលគាត់ពុំអនុញ្ញាតឲ្យនាងញ៉ាំធូរ៉េនក្នុងបន្ទប់ ។
បន្ទាប់ពីបានលឺចម្លើយសារភាពរបស់នាង ប៉ូលីសបានសម្រេចចោទប្រកាន់នាងពីបទបង្កការរំខានដល់សណ្ឋាប់សារធារណៈ ហើយត្រូវបានដាក់ទណ្ឌកម្មជាមួយការឃុំខ្លួនផ្នែករដ្ឋបាលចំនួន ៥ ថ្ងៃ ៕ ឧត្តម (worldofbuzz)