ជាការពិតណាស់ យើងធ្លាប់សង្កេតឃើញមនុស្សប្រុសមួយចំនួនមានចរិករប៉ិលរប៉ូច ខិលខូច ដៃងាយ បំពានពុំដល់ថ្នាក់ជ្រុលហួសហេតុទៅលើស្ត្រីភេទ ក្នុងលក្ខណៈស្គាល់គ្នាអាចលេងសើច ។ ប៉ុន្តែ សម្រាប់តានេះវិញ ពិតជាគួរឲ្យហួសចិត្តខ្លាំងណាស់ ព្រោះតែគាត់ត្រូវបានឃើញយ៉ាងជាក់ស្តែង បានបង្ហាញនូវទង្វើដ៏ជ្រុលហួសហេតុ (ក្នុងកាយវិការសិច) ទៅលើស្ត្រីម្នាក់ដែលធ្វើឲ្យនាងបានត្រឹមស្រឡាំងកាំង និយាយលែងចេញតែម្តង ។
តាមរយៈវីដេអូថតដោយអ្នកឈរមើលម្នាក់ បានបង្ហាញឲ្យឃើញតាចាស់ម្នាក់បានដើររញីរញ័រទ្រើកៗអែបនឹងចិញ្ចើមផ្លូវលក់ដូរមួយ ។ នៅពេលដើរដល់ស្ត្រីម្នាក់ស្ថិតក្នុងសម្លៀកបំពាក់សំពត់ខ្លី កំពុងឈរទិញម្ហូបអាហារ ឃើញទំនង ក៏បានឈប់ និងយកខ្លួនផ្ទប់នឹងគូទរបស់នាងមួយញុច ធ្វើឲ្យនាងប្រតិកម្មភ្លាមៗតែម្តង ។
ទោះយ៉ាងណា តាកំហូចនេះធ្វើពុំដឹង និងបន្តដើរ ខណៈស្ត្រីរងគ្រោះ និងពួកអ្នកលក់សម្តែងនូវអារម្មណ៍ស្រឡាំងកាំង និងហួសចិត្តគ្រប់ៗគ្នា ៕ ចន្ទី
