ខេត្តព្រះសីហនុ ៖ នាវាទេសចរណ៍បរទេសមួយគ្រឿង បានចូលចតកំពង់ផែក្រុងព្រះសីហនុ កាលពីម៉ោង ១១កន្លះថ្ងៃត្រង់ថ្ងៃទី២៥ ខែកញ្ញា ឆ្នាំ២០១៨ ដែលជាដំណើរដឹកភ្ញៀវទេសចរទស្សនា តាមបណ្តាប្រទេសនានាក្នុងពិភពលោក។
មន្ត្រីនគរបាលច្រកទ្វារអន្តរជាតិកំពង់ផែក្រុងព្រះសីហនុ បានអោយដឹងថា នាវានេះមានដឹកភ្ញៀវទេសចរចម្រុះជាតិសាសន៍ចំនួន ៨៤៣នាក់ ស្រី៤៤៤នាក់ ដោតចេញដំណើរពីប្រទេសថៃ ចូលមកទស្សនាប្រទេសកម្ពុជា រយៈពេលពីរថ្ងៃ។
នាវានេះ គ្រោងចាកចេញពីកម្ពុជា ទឆ្ពោះទៅកាន់ប្រទេសវៀតណាមបន្តទៀត នៅវេលាម៉ោង ៨យប់ស្អែក ថ្ងៃទី២៦ ខែកញ្ញា ឆ្នាំ២០១៨៕ ដោយ៖ ដែន សីមា