លោកផែង វណ្ណៈ បានសរសេរលើផេកហ្វេសប៊ុកថា លោកឧកញ៉ា ឡុង ហួរ ថៅកែក្រុមហ៊ុនប្រេង LHR យកដងអំបោសវាយសន្តិសុខក្រុមហ៊ុនឯកជនឈ្មោះ ព្រំ សារ៉េត អាយុ៤៣ឆ្នាំ បែកក្បាល ដេរប្រាំថ្នេរ នៅសង្កាត់កាកាប ខណ្ឌពោធិ៍សែនជ័យ កាលពីយប់ថ្ងៃទី២៤ ខែកញ្ញា ឆ្នាំ២០១៨ ។
បន្ទាប់ពីរងរបួសរយះក្បាល បុរសសន្តិសុខក្រុមហ៊ុនឯកជនរូបនេះ បានធ្វើដំណើរមកកាន់ប៉ុស្តិ៍នគរបាលកាកាប១ ដើម្បីមកដាក់ពាក្យប្តឹងចោទប្រកាន់ លោកឧញ៉ា ឡុង ហ៊ួរ បានយកដងអំបោស វាយចំក្បាល៣ដងអំបោស បណ្តាលឲ្យបែកហូរឈាម ហើយបានគំរាមយកកាំភ្លើងមកបាញ់ចោល ធ្វើឱ្យគាត់ភ័យក៏បានរត់គេចចេញ និងមកសុំការជួយអន្តរាគមន៍ពីនគរបាលប៉ុស្តិ៍កាកាប១។ ប៉ុន្តែនៅពេលដែលគាត់ទៅដល់ប៉ុស្តិ៍កាកាប១ ពុំមានឃើញនគរបាលណានៅម្នាក់នោះទេ ហើយគាត់ក៏ត្រឡប់ទៅផ្ទះវិញ។ ហេតុការណ៍នោះបានភ្ញាក់ផ្អើលនៅថ្ងៃទី២៤ ខែកញ្ញា ឆ្នាំ២០១៨ នៅសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។បើតាមជនរងគ្រោះ កន្លែងដែលរូបគេធ្វើការនោះ ស្ថិតនៅក្នុងក្រុមហ៊ុន Best Sevice ហើយត្រូវបានលោកឧកញ៉ា ឡុង ហ៊ួរ ជួលឲ្យទៅតាមនៅផ្ទះគាត់ ស្ថិតនៅសង្កាត់កាកាប១ ខណ្ឌពោធិ៍សែនជ័យ។
លោក ព្រុំ សារ៉េត មុខរបរសន្តិសុខរបស់ក្រុមហ៊ុន បេះសូវីស យាមនៅផ្ទះឧកញ៉ា ឡុង ហ៊ួ ស្នាក់នៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ចំណែកឯជនបង្កជាឧកញ៉ា ឈ្មោះ ឡុង ហ៊ួ មានលំនៅដ្ឋាននៅសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។ បុរសរងគ្រោះឈ្មោះ ព្រុំ សារ៉េត ជាសន្តិសុខរូបនោះ បាននិយាយថា នៅខណៈគាត់អង្គុយយាមនៅក្នុងផ្ទះរបស់លោកឧញ៉ា ឡុង ហ៊ួរ រួចក៏បានដេកលក់ទៅ ខណៈដល់វេលាម៉ោងប្រមាណជា១០យប់ថ្ងៃទី២៣ ខែកញ្ញា ឆ្នាំ២០១៨ ស្រាប់តែលោកឧកញ៉ា ឡុង ហ៊ួរបានយកដងអំបោសមកសំពងក្បាលគាត់ ត្រូវចំនួន៣ដងអំបោស បណ្តាលឲ្យរងរបួសបែកហូរឈាមស្រោចពេញខ្លួន ។ ក្រោយពេលដែលទទួលរងនូវការវាយដំ ពីសំណាក់លោកឧកញ៉ា ឡុង ហ៊ួរ ហើយនោះក៏មានអង្គរក្សម្នាក់ របស់លោកឧកញ៉ានោះ បានស្រែកគំរាមថា ចេញឲ្យឆ្ងាយទៅ ប្រយ័ត្នគាត់ចូលទៅក្នុងចេញមកវិញ យកកាំភ្លើងមកបាញ់ ។ រួចគាត់ក៏បានឮដូចនេះ ក៏បានរត់គេចចេញ និងមកសុំការជួយអន្តរាគមន៍ ពីនគរបាលប៉ុស្តិ៍កាកាកាប១ តែពុំមាននគរបាលរូបណានៅម្នាក់នោះឡើយ ដោយសារកម្លាំង បានចេញល្បាតតាមមូលដ្ឋាន រួចគាត់ក៏ត្រឡប់ទៅផ្ទះវិញទៅ។ លោក ព្រុំ សារ៉េត បានបន្តទៀតថា លុះស្អែកឡើង វេលាថ្ងៃត្រង់ ទើបរូបលោកបានធ្វើដំណើរមកប៉ុស្តិ៍នគរបាលកាកាប១ ដាក់ពាក្យបណ្តឹងលោកឧកញ៉ា ឡុង ហ៊ួរ ម្តងទៀត ដើម្បីឲ្យនគរបាលអន្តរាគមន៍ និងរកយុត្តិធម៌ ជូនគាត់ ដែលត្រឹមជាសន្តិសុខបានត្រឹមមួយរស់ៗ។ ក្រោយពេលដែលសន្តិសុខរូបនេះបានដាក់ពាក្យបណ្តឹងរួចហើយនោះ គាត់ក៏បានត្រឡប់ទៅផ្ទះវិញ រួចក៏ស្ងាត់ឈឹងតែម្តងទៅ ដោយមិនដឹងថា សមត្ថកិច្ចហ៊ានចាត់ការឬអត់នោះទេ ពីព្រោះនគរបាលមានបុណ្យស័ក្តិ តូចជាងលោកឧកញ៉ា៕ ដោយ ៖ បញ្ញាស័ក្តិ
