កាន់តែអស្ចារ្យ ព្រោះជម្លោះនេះទាក់ទងដល់សត្វសេះ ហើយបើតាមកាសែត Chicago Tribune ចុះផ្សាយនោះម្ចាស់ក្រុមហ៊ុនរទេះសេះ ៣ នៅទីក្រុង Chicago អាមេរិក បានដាក់ពាក្យប្តឹងសកម្មជនដើម្បីសិទ្ធសត្វ ដោយចោទប្រកាន់ពួកគេបានមាក់ងាយនឹងអន្តរាគមន៍ចូលការងាររកស៊ីទទួលទានរបស់ពួកគេ ។
សេះតាមដងផ្លូវនៅ Chicago
ដើមបណ្តឹងបានចោទចុងបណ្តឹងថា បានក្រឡៃយករូបភាពសេះរងរបួស ឬស្លាប់ដោយបាក់កម្លាំងទៅកន្លែងផ្សេង ហើយនិយាយថា វាកើតឡើងនៅ Chicago បំណងបង្កសម្ពាធដល់រដ្ឋអំណាចមូលដ្ឋាន ធ្វើការហាមឃាត់មិនឲ្យសេះទាំងអស់មានសកម្មភាពលើដងវិថីនៅទីក្រុងនេះ ។
ក្នុងពេលនោះក្រុមសកម្មជនបាននិយាយថា រទេះដែលសេះអូសបង្កគ្រោះថ្នាក់ដល់សុវត្ថិភាពចរាចរនៅ Chicago ព្រមទាំងខ្វាយខ្វល់ថា ពួកសេះនឹងរងការធ្វើបាប ។ ប៉ុន្តែបណ្តាម្ចាស់សេះវាយបកវិញថា រទេះសេះមានសុវត្ថិភាព ហើយពពួកសេះតែងទទួលបានការថែទាំល្អ ។
តុលាការកំពុងប្រឹងសម្របសម្រួលបណ្តឹងនេះ ខណៈពេលដែលក្រុមសកម្មជនសិទ្ធិសត្វកំពុងបន្តនិយាយដល់រឿងត្រីបាឡែន ដែឡបាននិងកំពុងរងការ “ធ្វើបាប គ្មានសេរីភាព” ក្នុងការធ្វើអាជីវកម្មសម្តែងដូចក្នុង Clip ខាងក្រោម ៕ លីសា
