នៅកន្លែងដែលបុរសៗពុំសូវជាមានសុជីវធម៌ ពុំយោគយល់… ពិសេសប៉ះឡានក្រុង ចង្អៀតណែន គ្មានកន្លែងតោងឈរ ស្រីស្រស់ម្នាក់ពិតជាសំណាងល្អ ព្រោះទើបទិញប្រដាប់ប៊ូមបង្គន់ និងថែមទាំងមានគំនិតច្នៃប្រឌិត បានបើវាទៅជាឧបករណ៍ទប់លំនឹង… ។
ក្នុងឃ្លីបខ្លីមួយនេះ ស្រីស្អាតវ័យក្មេងម្នាក់បានឡើងឡានក្រុងតែគ្មានកន្លែងទំនេរ សូម្បីតែកន្លែងតោងឈរ ក៏អស់ទៀត ។ ងាកទៅប្រុសៗគេធ្វើជាហី ។
នាងក៏នឹកឃើញនៅដៃមានប្រដាប់ប៊ូមបង្គន់មួយទើបទិញ ក៏ដោតផ្លាប់ជាប់ដំបូលយកដៃតោងជាប់រក្សាលំនឹង ។
ទោះបីពួកប្រុសៗនាំគ្នា “សើចយំ” ក៏នាងធ្វើព្រងើយ ដោយគិតថា នាងពុំបានរំខានដល់ “ពួកប្រុសដើមទ្រូង៥ហត្ថ” ហើយវាជាការចាំបាច់ចំពោះសុវត្ថិភាពរបស់នាង ។
អ្នកនាងគិតថា ពេលបង្ហោះឃ្លីបនេះ នាងប្រាកដជាទទួលការរិះគន់ចាស់ដៃ ប៉ុន្តែផ្ទុយស្រឡះ ជាទូទៅគេសរសើរនាងថា ៖ ឆ្ងាតណាស់! ចេះបត់បែនទាន់សភាពការណ៍! ៕ ចន្ទ្រា
