ភ្នំពេញ ៖ លោកឧត្ដមសេនីយ៍ទោ ហ៊ុន ម៉ានិត បានលើកឡើងថា៖កងទ័ពគឺជាសសរទ្រូង និងជារបងការពារដ៏សំខាន់មិនអាចខ្វះបានសំរាប់ប្រទេសជាតិមួយគ្រប់ពេលវេលា និងគ្រប់កាលៈទេស។កងទ័ពមានភារៈកិច្ចសំខាន់ក្នុងការប្រយុទ្ធដណ្តើមយកសន្តិភាពជួនប្រជាជាតិ ការពារបូរណភាពទឹកដី និងរក្សាការពារសុខសន្តិភាពជាតិឱ្យបានស្ថិតស្ថេរគងវង្ស។
លោកឧត្ដមសេនីយ៍ទោបានបញ្ជាក់ទៀតថា៖ ក្រោមការដឹកនាំដ៏ត្រឹមត្រូវរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជានាយឧត្តមសេនីយ៍ផុតលេខផ្កាយមាស៥ នៃកងយោធពលខេមរភូមិន្ទ សម្តេចតែងតែគិតគូរជាប្រចាំលើកត្តាជីវភាពរស់នៅរបស់យោធិន និងជ្រុញឱ្យតាមបណ្តារកងឯកភាពទាំងអស់បន្តរហ្វឹកហ្វឺនបណ្តុះបណ្តាលជំនាញយុទ្ធវិធី និងបណ្តារជំនាញបច្ចេកទេសផ្សេងៗទៀតបម្រើឱ្យដល់ការប្រយុទ្ធជួនដល់នាយទាហាន នាយទាហានរង និងពលទាហានទាំងអស់ឱ្យបានជាប់ជាប្រចាំ ដើម្បីលើកកំពស់សមត្ថភាពប្រយុទ្ធរបស់យោធិនឱ្យបានកាន់តែប្រសើរឡើង៕ ដោយ៖បញ្ញាស័ក្តិ
