ក្រុមអ្នកបុរាណវិទូព័រទុយហ្គាល់ បានរកឃើញខ្មោចនាវាមួយដែលមានអាយុកាលប្រមាណ ៤០០ឆ្នាំ នៅតំបន់សមុទ្រជិតប្រជុំជន Cascais របស់ប្រទេសនេះ។
នាយកគ្រោងការណ៍Jorge Freire ឱ្យដឹងថា នាវានេះស្ថិតក្នុងជម្រៅ១២ម៉ែត្រប្រៀបនឹងផ្ទៃសមុទ្រ ហើយវានៅសភាពដើមស្ទើរទាំងស្រុង។ គេបានរកឃើញរបស់របរធ្វើអំពីពរ្សឺឡែន កាំភ្លើង កាំភ្លើងផ្លោង។ល។ស្ថិតនៅរាយប៉ាយជុំវិញខ្មោចនាវានោះ ។តាមអ្នកបុរាណវិទូ នាវានេះកំពុងធ្វើដំណើរពីព័រទុយហ្គាល់ទៅឥណ្ឌា ហើយបានត្រូវលិចក្នុងអំឡុងឆ្នាំ1575-1625 ។ រដ្ឋមន្ត្រីវប្បធម៌ Luis Mendes ឱ្យដឹងថា ច្រកសមុទ្រ Tagus ត្រូវបានចាត់ទុកជាចំណុចក្តៅនៃការលិចលង់នាវា ហើយការរកឃើញខាងលើបានឆ្លុះបញ្ចាំងអំពីបញ្ហានេះ៕
លីសា
