ភ្នំពេញ ៖ ក្រុមកីឡាសីដកកម្ពុជាឈ្នះមេដាយមាស ការប្រកួត King’s Cup World Sepaktakaw Championship បន្ទាប់ពីយកឈ្នះក្រុមអូស្ត្រាលី ២ សិតទល់នឹង០ នៅវគ្គផ្តាច់ព្រ័ត្រនាថ្ងៃពុធ ទី២៦ ខែកញ្ញា ឆ្នាំ២០១៨ ដែលមានថៃធ្វើម្ចាស់ផ្ទះ។
ការប្រកួតក្នុងវិញ្ញាសា ៣នាក់ទល់នឹង ៣នាក់ ក្រុមអត្តពលិកកម្ពុជា ក្នុងលទ្ធផលឈ្នះ ២-០ ក្នុងលទ្ធផលពិន្ទុសម្រាប់ សិតទី១ ២១-១៨ និង ២៥-២៤ នេះបើយោងតាមលោកស្រី សូង ចាន់តូរ៉ាទី អគ្គលេខាធិការរងសហព័ន្ធកីឡាសីដក់កម្ពុជា។
សម្រាប់កីឡាករទាំង ៥នាក់ដែលរបស់កម្ពុជាដែលប្រកួតក្នុងវគ្គផ្តាច់ព្រ័ត្រ និងឈ្នះមេដាយមាសនោះរួមមានកីឡាករ ជាតិ ខេមរិន្ធ, ហេង ដារ៉ាវុធ, ឈន សុខុម, សេន ស៊ីអ៊ិ និងកីឡាករ សន ចាន់ណេម ក្នុងចំណោមអត្តពលិក ២៦រូបដែលបញ្ជូនទៅប្រកួត King’s Cup 2018 នេះ៕ ដោយ ៖ បញ្ញាស័ក្តិ