បុគ្គលិកភោជនីយដ្ឋានម្នាក់ ត្រូវបានចាប់ខ្លួន បន្ទាប់ពីត្រូវបានរកឃើញនៅក្នុងវីដេអូកាមេរ៉ា ធ្វើសកម្មភាពដ៏ថោកទាបបំផុត ស្តោះទឹកមាត់ដាក់លើនាំភីហ្សាអតិថិជន ។
នៅក្នុងឃ្លីបដែលបានរីករាលដាលនៅលើបណ្តាញសង្គម កាលពីចុងសប្តាហ៍មុន បុរសស្បែកខ្មៅម្នាក់ឈ្មោះ Jaylon Kerley ត្រូវបានឃើញ «ស្តោះទឹកមាត់» នៅលើនំភីហ្សា នៅហាង Comerica Park Ballpark ស្ថិតក្នុងទីក្រុង Detroit រដ្ឋមីឈីហ្គេន (អាមេរិក) មុនពេលដាក់គ្របពីលើដោយទឹកជ្រលក់ ។
ចាប់តាំងពីឃ្លីបនេះត្រូវបានចែករំលែកនៅលើអ៊ីនធើរណែត បុគ្គលិកដ៏អាក្រក់រូបនេះ ត្រូវបានបណ្តេញចេញ និងចាប់ខ្លួនកាលពីថ្ងៃចន្ទ ។
Detroit Sportservice បាននិយាយនៅក្នុងសេចក្តីថ្លែងការណ៍មួយថា៖ “នៅពេលយើងបានដឹងតាមរយៈបណ្តាញសង្គម អំពីអាហារស្ថិតក្នុងស្ថានភាពដ៏គួរឲ្យខ្អើមរអើមបែបនេះ កាលពីយប់ថ្ងៃសុក្រ យើងបានបិទបញ្ចេញអាហារទាំងនោះភ្លាម ហើយបោះចោលផលិតផលទាំងអស់នោះផងដែរ» ។
«សុវត្ថិភាពចំណី គឺជាអាទិភាពដ៏ចម្បងរបស់យើង ហើយយើងនឹងចាត់វិធានការសមស្រប ដើម្បីការពារភ្ញៀវរបស់យើង» ។
យោងតាមប្រព័ន្ទផ្សព្វផ្សាយក្នុងតំបន់ WXYZ ប៉ូលីសបាននិយាយថា Kerley អាចប្រឈមមុខចោទប្រកាន់ ចំពោះករណីនេះ ៕
ដោយ៖ ចន្ទី
ប្រភព៖ thesun.co.uk