Clip 1 ត្រូវបានគេប្រាប់ថា ថតនៅតំបន់ភាគបូព៌ាប្រទេសចិន ខណៈពេលប្តីប្រពន្ធមជ្ឈិមវ័យ១គូ បានរួមដៃគ្នាដើម្បីចាប់ត្រាំពស់ពិសដ៏ធំក្នុងកែវស្រាទាំងរស់ គួរឲ្យព្រឺព្រួច ។
ពស់១ក្បាលនេះប្រហែលជាពិបាកទ្រាំណាស់ទើបវាពត់ពេនរមូលខ្លួនក្នុងកែវស្រា ដែលត្រូវចុកឆ្នុកជាប់ទម្រាំ…ងាប់ស្តូក ។
អត្តសញ្ញាណរបស់ប្តីប្រពន្ធ២រូបនេះ នៅពុំទាន់ដឹងច្បាស់ទេ តែតាំងពី Clip ខ្លីនេះបង្ហោះមក មានមនុស្សទស្សនា ៣៤០ លាននាក់ ហើយនៅលើគេហទំព័រ 99.com ដែលជាគេហទំព័រធំមួយនៅប្រទេសចិន ។
តាមអ្នកជំនាញការនោះការប្រើពស់ពិសយកមកត្រាំស្រាជាប្រពៃណីបុរាណនៅចិន វាមានតាំងពីប្រមាណ ២.៧០០ឆ្នាំមុន ។ តាមប្រវត្តិសាស្ត្រកត់ត្រាទុក គេចាប់ផ្តើមចេះផឹកស្រាត្រាំពស់ពិសពីរជ្ជកាលចូវ (ខាងលិច) អំឡុងឆ្នាំ ១០៤៦-៧៧១ មុនគ្រិស្តសករាជមកម្លេះ ៕ ចន្ទ្រា
