បុរសឥណ្ឌាម្នាក់ថ្មីៗនេះមិនអាចនិយាយបានទៀត ក្រោយពេលត្រូវភរិយាកំពុងមានផ្ទៃពោះ៨ខែ ផ្ទុះកំហឹងហើយខ្លួនប្រឹងទៅថើបនាងដើម្បីលួងចិត្តមន្ទាប់ពីការឈ្លោះប្រកែក។
ហេតុការណ៍ គឺបុរសវ័យ២២ឆ្នាំ នៅ Delhi ប្រទេសឥណ្ឌា ត្រូវបានគេបញ្ជូនទៅកាន់មន្ទីរពេទ្យជាបន្ទាន់ ព្រោះត្រូវហូរឈាមខ្លាំង បន្ទាប់ពីភរិយារបស់គាត់ខាំដាច់អណ្ដាត។ស្ត្រីរូបនេះក៏ត្រូវបានចាប់ខ្លួន ហើយនាងឆ្លើយប្រាប់ប៉ូលិសថា ខ្លួនមិនពេញចិត្តនឹងអាពាហ៍ពិពាហ៍នេះ ក៏ដូចជាចរិតទុយមុយគ្មានការទាក់ទាញរបស់ប្តី នាងពិតជាទ្រាំលែងបានហើយ។
ម្តាយរបស់ជនរងគ្រោះនិយាយប្រាប់អ្នកយកព័ត៌មានថា«ពួកវាឈ្លោះប្រកែកគ្នាស្ទើររាល់ថ្ងៃ។ប្រពន្ធវាច្រើនប្រមាថ ប្រដូចវាទៅនឹងឆ្កែ ទះកំផ្លៀងវា វាយដោយខ្សែតី។
ហេតុការណ៍ចម្លែកនេះបានកើតឡើងនៅយប់ថ្ងៃសៅរ៍សប្តាហ៍មុន ក្រោយពេលដែលបុរសជាប្តីឈ្មោះ Karan បានវិលមកផ្ទះវិញក្រោយពីឈ្លោះគ្នា។ជម្លោះក៏ចាប់ផ្តើមកើតសាឡើងវិញ ហើយបុរសជាប្តីទោះនឿយហត់ក្នុងការប្រឈមជម្លោះជាមួយប្រពន្ធ ក៏បានប្រឹងប្រែងពន្លត់ភ្លើងកំហឹងរបស់ភរិយា ក៏ចាប់ឱបថើបប្រពន្ធ។ នាងជាប្រពន្ធប្រឹងប្រែងបង្ហាញថាខ្លួនក៏មានបំណងដូចគ្នា ប៉ុន្តែបានមួយសន្ទុះ ក៏ខាំរយះអណ្តាតរបស់ប្តីតែម្តង។
នៅពុំទាន់ច្បាស់ថាអ្នកណារាយការណ៍ប្រាប់ប៉ូលិសទេ ព្រោះយុវជនវ័យក្មេងជាស្វាមីពុំអាចនិយាយបាន គាត់ត្រូវផ្តល់ចម្លើយឱ្យប៉ូលិសដោយការសរសេរ។ បុរសអភ័ព្វរូបនេះអាចត្រូវវះកាត់បង្កើតអណ្តាតថ្មី ទើបសង្ឃឹមថាអាចនិយាយរួច។
ចំណែកនាងជាភរិយាដែលមានគភ៌៨ខែហើយនោះ បានត្រូវឃុំខ្លួនព្រោះរងការចោទប្រកាន់ពីបទបង្ករបួសស្នាមធ្ងន់ធ្ងរ៕សូយន