ប៉ូលីសអ៊ីនធើរណែតនៅក្នុងប្រទេសថៃ កាលពីថ្ងៃទី២៦ កញ្ញា ម្សិលមិញនេះ បានតាមប្រមាញ់ ដើម្បីចាត់វិធានការផ្លូវច្បាប់ ទៅនឹងរូបភាពអាសអាភាស៣សន្លឹក ត្រូវបានចែកចាយនៅលើបណ្តាញសង្គមកាលពីពេលថ្មីៗនេះ ដែលបង្ហាញឲ្យឃើញស្ត្រីវ័យក្មេងម្នាក់ ត្រូវបានថតបញ្ចេញកេរ្តិ៍ភេទ និងសិច នៅក្នុងហាងទំនិញមួយ ។
ស្ថិតក្រោមការស៊ើបអង្កេត ប៉ូលីសកំពុងតាមដានស្វែងរកស្ត្រីនៅក្នុងរូបភាពដ៏អាសអាភាសទាំងនេះ ដែលត្រូវបានលុបចេញរួចវិញទៅហើយ នៅលើបណ្តាញសង្គម ។ ជាងនេះទៀត ប៉ូលីសនឹងបន្តស្វែងរកចាប់ខ្លួនមេក្លោងមានទំនាក់ទំនងនៅក្នុងប្រព័ន្ធកុំព្យូទ័រ ដែលស្ថិតនៅពីក្រោយករណីបែបនេះផងដែរ ។
ទោះយ៉ាងណា សមត្ថកិច្ចក៏ពុំដឹងច្បាស់ថា រូបភាពទាំងនេះនឹងត្រូវបាននរណាណាខ្លះ បានបញ្ជូនទៅកាន់មិត្តភក្តិរបស់ពួកគេដល់កម្រិតណានោះទេ ។
សមត្ថកិច្ចក៏បានបញ្ជាក់ឲ្យដឹងថា អ្នកពាក់ព័ន្ធក្នុងបទល្មើសអ៊ីនធើរណែត នឹងប្រឈមមុខជាប់ពន្ធនាគាររហូតដល់ ៥ ឆ្នាំ ឬ ផាកពិន័យជាប្រាក់១រយពាន់បាត ឬ ទទួលយកទាំងពីរ ។ ដូច្នេះ ប៉ូលីសក៏បានព្រមានបងប្អូនកុំព្យាយាមបន្តបញ្ជូនរូបភាពដែលមានកំហុសនេះតទៅទៀត ៕ ឧត្តម (Khaosod)
