ឆ្លើយសំណួរអំឡុងសន្និសីទកាសែតនៃមហាសន្និបាតអង្គការសហប្រជាជាតិលើកទី៧៣ នៅបុរីញូវយ៉កកាលពីថ្ងៃទី២៦ ខែ កញ្ញា ឆ្នាំ ២០១៨។
លោកប្រធានាធិបតីTrump បាននិយាយក្នុងអំឡុងនៃការថ្លែងសុន្ទរកថាកាលពីព្រឹកថ្ងៃពុធ នៅខាងមុខក្រុមប្រឹក្សាសន្តិសុខរបស់អង្គការសហប្រជាជាតិថា: «ពួកគេមិនចង់ឲ្យខ្ញុំឈ្នះឆ្នោតទេ ពីព្រោះខ្ញុំជាប្រធានាធិបតីលើកទីមួយដែលជំទាស់ប្រឆាំងចិនអំពីពាណិជ្ជកម្ម។ ហើយយើង នឹងឈ្នះសង្គ្រាមពាណិជ្ជកម្មនេះ។ យើងនឹងឈ្នះទាំងអស់»។ប្រធានាធិបតីត្រាំបានថ្លែងទៀតថា «ជាការគួរឲ្យសោកស្តាយ យើងបានរកឃើញថា ចិនបានប៉ុនប៉ងជ្រៀតជ្រែកក្នុងការបោះឆ្នោតនៅខែវិច្ឆិកា ឆ្នាំ២០១៨ខាងមុខ ដើម្បីប្រឆាំងនឹងរដ្ឋបាលរបស់យើង»។
ភ្លាមៗ លោករដ្ឋមន្ត្រីការបរទេសចិន វ៉ាង យី បានប្រាប់ពួកអ្នកយកព័ត៌មានថា រដ្ឋាភិបាលក្រុងប៉េកាំងធ្វើទៅតាមគោលការណ៍មិនជ្រៀតជ្រែកកិច្ចការផ្ទៃក្នុងប្រទេសដទៃ ហើយបដិសេធពុំសុខចិត្តទទួលយកការចោទប្រកាន់ដ៏អយុត្តិធម៌ប្រឆាំងនឹងចិននេះ។
ខណៈដែលតួនាទីរបស់រុស្ស៊ីក្នុងការជ្រៀតជ្រែកការបោះឆ្នោតឆ្នាំ២០១៦ ដើម្បីគាំទ្រប្រធានាធិបតីTrump ស្ថិតនៅក្នុងការស៊ើបអង្កេតរបស់ស្មាក្តីពិសេស មកទល់ពេលថ្មីៗនេះមិនមានការចោទប្រកាន់ពីការជ្រៀតជ្រែកខាងនយោបាយរបស់ចិនទេ។
រដ្ឋាភិបាលក្រុងប៉េកាំងបានទទួលរងការចោទប្រកាន់ពីការធ្វើសកម្មភាពចារកម្មលួច ចូលក្នុងប្រព័ន្ធកំព្យូទ័រក្រុមហ៊ុនអស់រយៈពេលជាច្រើនឆ្នាំមកហើយៗនៅឆ្នាំ២០១៥ បានរងការចោទប្រកាន់ពីការលួចចូលក្នុងប្រព័ន្ធ Database ដែលមានព័ត៌មានបុគ្គលរហូតដល់៤លាននាក់ដែលបានដាក់ពាក្យសុំធ្វើការងារជាមួយរដ្ឋាភិបាលសហរដ្ឋអាមេរិក៕សូយន
