វីដេអូមួយដែលបានបង្ហាញឲ្យឃើញស្រ្តីម្នាក់ បានឈ្លោះប្រកែកគ្នាយ៉ាងខ្លាំង ជាមួយបុគ្គលិកនៅលើរថភ្លើងមួយ បន្ទាប់ពីនាងបានយកកៅអីរបស់អ្នកដំណើរដទៃអង្គុយ បានកំពុងរីករាលនៅលើប្រព័ន្ធផ្សព្វផ្សាយសង្គមរបស់ចិន ។
ហេតុការណ៍នេះបានកើតឡើងនៅក្នុងអំឡុងពេលធ្វើដំណើរតាមរយៈរថភ្លើង១ខ្សែ ចេញពីខេត្ត Huanan ទៅកាន់ខេត្ត Guangdong ប្រទេសចិន នៅពេលស្រ្តីមិនស្គាល់អត្តសញ្ញាណម្នាក់ ត្រូវបានរាយការណ៍ទៅបុគ្គលិក ដោយអ្នកដំណើរដទៃ ចំពោះការ «កាន់កាប់» កៅអីមួយដែលពុំមានជារបស់នាង ។ នេះបើយោងតាម South China Morning Post ។
ស្រ្តីនោះបន្ទាប់មកបានចាប់ផ្តើមឈ្លោះប្រកែកជាមួយបុគ្គលិករថភ្លើង នៅពេលដែលគាត់បានស្នើសុំមើលកាតអត្តសញ្ញាណរបស់នាង ដោយបានបញ្ជាក់ថា នាងកំពុងអង្គុយកៅអីខាងស្តាំ ។ ទោះយ៉ាងណា បុគ្គលិកចង្អុលបង្ហាញថា នាងគួរតែទៅអង្គុយនៅកៅអី 10D ដែលជាកៅអីច្រកផ្លូវរថភ្លើង ។
ជំនួសឲ្យការងើបចេញ នាងបានស្តីបន្ទោសទៅលើសំបុត្រ ដែលបានផ្តល់ការណែនាំច្រឡំបែបនេះ ។
ស្រ្តីនោះនិយាយថា៖ «ក្នុងសំបុត្រពុំបាននិយាយថា ខ្ញុំគួរតែចូលអង្គុយនៅកៅអីច្រកផ្លូវនោះទេ» ។ នាងបន្ថែមថា ស្ថានីយគួរដាក់លេខនៅលើកៅអី និងសួរថា «ហេតុអ្វីជាវាបិទនៅទីនោះ?» ។
ស្រ្តីខឹងសម្បាររូបនេះ បានបន្តខណៈនៅតែឈ្លោះប្រកែកជាមួយបុគ្គលិកថា៖ «គួរធ្វើរឿងហ្នឹងឲ្យច្បាស់ផងលោក ថាតើមួយណាគឺជាកៅអី 10F និងមួយណាជា 10D !!» ។
ទោះយ៉ាងណា ស្រ្តីរូបនេះនៅតែបន្តអង្គុយ រហូតដល់ចប់ការធ្វើដំណើររបស់នាង ។ ជាលទ្ធផល នាងត្រូវបានផាកពិន័យ ២០០ យន់ (៣០ ដុល្លារ) សម្រាប់អ្វីដែលនាងបានរឹងទទឹង និងត្រូវហាមមិនឲ្យទិញសំបុត្រធ្វើដំណើរ ក្នុងរយៈពេល ១៨០ ថ្ងៃ ។ នេះបើយោងតាមរបាយការណ៍ ។
ទន្ទឹមនេះផងដែរ អ្នកលេងអ៊ីនធើរណេតជាច្រើន បានផ្ទុះកំហឹងយ៉ាងខ្លាំង ចំពោះទង្វើអំនួតគ្មាននរណដល់ខ្លួនរបស់នាងបែបនេះ ។ អ្នកលេងម្នាក់សរសេរថា៖ «តើនាងនៅតែព្យាយាមការពារខ្លួនឯងដល់ណាទៀតទៅ បន្ទាប់ពីនាងយកកៅអីគេអង្គុយបែបនេះ? ពិតជាគួរឲ្យអស់សំណើចខ្លាំងណាស់» ។ ម្នាក់ទៀតនិយាយថា៖ «មនុស្សគ្មានហេតុផល តែងតែប្រើវិធីមួយនេះរបស់ពួកគេ មកធ្វើជារឿងពិតជាមួយសង្គម» ៕ ឧត្តម (nextshark)
