នេះគឺជាភោជនីដ្ឋានក្រោមទឹកដ៏អស្ចារ្យ ដែលត្រូវបានគេរៀបចំឡើងនៅរមណីយដ្ឋានលំដាប់ផ្កាយ ៥ (Hurawalhi Maldives Resort)។ វាគឺជាភោជនីដ្ឋានក្រោមទឹកដែលធ្វើពីកញ្ចក់ទាំងអស់ និងធំបំផុតក្នុងពិភពលោកដោយមានប្រវែង ៦ម៉ែត្រ។
ភ្ញៀវអាចពិសារអាហារយ៉ាងរីករាយ ជាមួយនឹងទស្សនីភាពធម្មជាតិនៅបាតសមុទ្រ។ ក្នុងភោជនីដ្ឋានក្រោមទឹកនេះ មានបំរើអាហារពេលព្រឹក ថ្ងៃត្រង់ និងល្ងាច។ ចំពោះតម្លៃវិញ មានតម្លៃ ២២៥ដុល្លាសម្រាប់អាហារពេលថ្ងៃត្រង់ មានម្អូប ៥មុខ និង ២៨០ដុល្លារសម្រាប់អាហារពេលល្ងាច មាន ៧មុខ។
ភោជនីដ្ឋានក្រោមទឹកនេះ មានសុវត្ថិភាពបំផុតសម្រាប់ភ្ញៀវ ដោយសារតែកញ្ចក់មានកម្រាស់រហូតដល់ ១២សង់ទីម៉ែទ្រផលិតក្នុងប្រទេសជប៉ុន។ វាត្រូវបានគេដំឡើងនៅក្នុងប្រទេសញូសឺឡែន មុនពេលដឹកមកដាក់នៅរមណីយដ្ឋាននេះ។
ក្នុងភោជនីដ្ឋាននេះ សម្បូរទៅដោយគ្រឿងសមុទ្រ មានដូចជាបង្កង និងគ្រំជាដើម។
ចង់ដឹងភោជនីដ្ឋានក្រោមទឹកនេះ មានភាពស្រស់ស្អាតយ៉ាងណា សូមមើលវីដេអូខាងក្រោមនេះ៖
ប្រភព៖ Daily Mail