នារីវ័យក្មេងដ៏ស្រស់ស្អាតម្នាក់ បានស្លាប់គួរឲ្យអាសូរបំផុត នៅក្នុងហេតុការណ៍អគ្គីភ័យឆាបឆេះផ្ទះរបស់នាង ស្ថិតនៅផ្លូវ Phaholyothin Soi 24 ក្នុងទីក្រុងបាងកក ប្រទេសថៃ ។
Panida Chokuaipornchai អាយុ ២០ ឆ្នាំ ជានិស្សិតផ្នែកជំនួញ រៀននៅសកលវិទ្យាល័យសភាពណិជ្ជកម្មថៃ ត្រូវបានរកឃើញស្លាប់នៅជាន់ទី២ នៃអគារផ្ទះល្វែងច្រើនជាន់មួយកន្លែង ដែលនាងកំពុងរស់នៅជាមួយម្តាយ និងមីងរបស់នាង កាលពីព្រឹកថ្ងៃទី២៤ ខែកញ្ញា ឆ្នាំ២០១៨ ។
មីងរបស់នាងឈ្មោះ Nawaporn អាយុ ៧១ ឆ្នាំ បាននិយាយថា នៅពេលគាត់ចាកចេញពីផ្ទះនៅវេលាម៉ោងប្រហែល ៨ និង ២០ នាទីព្រឹក Panida កំពុងដេកនៅក្នុងបន្ទប់របស់នាង ។ នៅវេលាម៉ោង ៩ ព្រឹក អ្នកស្រី Nawaporn ក៏បានទទួលការខលហៅពីអ្នកស្គាល់គ្នាថា មានភ្លើងឆេះផ្ទះនៅក្នុងសង្កាត់របស់នាង ។ លឺដូច្នេះ អ្នកស្រីក៏បានប្រញាប់ប្រញាល់វិលត្រឡប់មកវិញ ដើម្បីឲ្យប្រាកដថាវាបានកើតឡើងនៅផ្ទះរបស់នាង ឬយ៉ាងណា ។
នៅពេល Nawaporn បានមកដល់ ក៏បានឃើញក្រុមពន្លត់អគ្គីភ័យ បានរារាំងមនុស្សមិនឲ្យចោលក្នុងតំបន់នោះរួចទៅហើយ ។ អ្នកស្រីពិតជាស្លុតរន្ធត់ខ្លាំងណាស់ នៅពេលដឹងថា Panida ត្រូវបានរកឃើញស្លាប់នៅជាប់បង្អួច នៅលើជាន់ទី២ ។ នេះបើតាមសេចក្តីរាយការណ៍របស់ស្ថានីយ៍ទូរទស្សន៍ Amarin TV ។
ម្តាយរបស់នាងឈ្មោះ Napa អាយុ ៦០ ឆ្នាំ បាននិយាយថា Panida គឺជាកូនស្រីតែម្នាក់គត់របស់អ្នកស្រី ហើយថា រឿងដ៏សោកសៅនេះបានកើត គឺបន្ទាប់នាងត្រូវបានធ្វើបុណ្យរំដោះគ្រោះ នៅក្នុងឱកាសនៃខួបកំណើតអាយុ ២០ ឆ្នាំ របស់នាង កាលពីសប្តាហ៍មុន ៕ ចន្ទី (coconuts, pluto134340)
