ហេតុការណ៍គួរឲ្យរន្ធត់នេះ កើតឡើងនៅរដ្ឋ South Carolina បណ្តាលឲ្យមនុស្ស២នាក់ស្លាប់ និង២នាក់ទៀតរងរបួស ។
វេលាកើតហេតុគឺនៅម៉ោង ១និង៤០នាទី ថ្ងៃទី ២៧ ខែកញ្ញា (ម៉ោងតំបន់) ខណៈពេលយន្តហោះ Dassauft – Breguwt Faleon 50 ពេលចុះសំចននៅផ្លូវហោះហើរ នៃអាកាសយានដ្ឋាន Green Ville Downtown ហើយបានរអិលចេញផុតលើផ្លូវ បុកសំដៅលើរបងធ្វើឲ្យយន្តហោះបាក់ជា ២ ។
មន្ទីរប៉ូលិស Grenville ឲ្យដឹងថា លើយន្តហោះមានមនុស្ស៤នាក់ ។ អ្នកបើកបរ និងអ្នកបើកបរជំនួយ បានស្លាប់ រីឯភ្ញៀវ ២នាក់ ជាប្តីប្រពន្ធបានរងរបួសធ្ងន់ កំពុងសង្គ្រោះនៅមន្ទីរពេទ្យ ។
អ្នកនាំពាក្យ នៃមន្ទីរប៉ូលិស Donnie Porter ឲ្យដឹងថា ៖ “យើងខ្ញុំពុំដឹងប្រាកដថា ហេតុអ្វីបានជាយន្តហោះ ពុំឈប់បានពេលចុះចត ហើយរត់អស់ផ្លូវចុះចត បោះពួយឡើងលើវាលស្មៅ បុកនឹងរបង” ។
អ្នកនាំពាក្យរូបនេះពោលបន្ត ៖ “ប្រហែលជាអ្នកបើកបរ ពុំមានស្មារតីនឹងនរ ហើយជើងជាន់ហ្គាជាប់” ។
យន្តហោះនេះមានបំណងចុះព្រលានយន្តហោះ Grenville ដើម្បីយកអ្នកដំណើរបន្ថែម ៕ លីសា
