នៅវេលាម៉ោង ៩និង៣០ ព្រឹកនេះ (២៨/៩) យន្តហោះដឹកអ្នកដំណើរមួយរបស់ក្រុមហ៊ុនអាកាសចរណ៍ជាតិ Papua New Guinea បានបោះពួយចុះសមុទ្រ ក្រោយពេលរត់ដល់ផុត… ផ្លូវហោះហើរលើកោះ Weno ភាគឦសានប្រទេសនេះ ។
តាម Daily Mail នេះជាយន្តហោះរបស់ក្រុមហ៊ុនអាកាសចរណ៍ Air Niugini ចេញដំណើរពី Micronesia ទៅកាន់ Papua New Guinea ។
សំណាងល្អណាស់ ដែលអ្នកដំណើរទាំង ៣៦នាក់ និងក្រុមពហុនិការ ១១នាក់ ពុំមានបញ្ហាអ្វីក្រៅពីអ្នកដំណើរម្នាក់រងរបួស ហើយយន្តហោះនៅអណ្តែតពាក់កណ្តាលខ្លួនលើទឹក ។
គេនៅពុំទាន់ដឹងពីមូលហេតុនាំឲ្យមានហេតុការណ៍នេះទេ ។ គណៈកម្មាធិការមួយត្រូវបានបង្កើតដើម្បីស៊ើបអង្កេតករណី ។
យន្តហោះនេះ ចុះសំចនទីនេះមុននឹងបន្តដំណើរទៅកាន់ Port Moresby នៅ Papua New Guinea ។ តាមអ្នកគ្រប់គ្រងព្រលានយន្តហោះនោះយន្តហោះនេះបានបោះពួយហួសពីផ្លូវហោះហើរ ១៦០ម៉ែត្រ ។
ក្រុមសង្គ្រោះបានមានវត្តមានដើម្បីសង្គ្រោះអ្នកដំណើរ លើយន្តហោះ ៕
