ននោងពស់ ជាអម្បូររុក្ខជាតិមានផ្កាស្អាតចម្លែក ស្រដៀងនឹងសក់ទម្លាក់ចុះរួញៗរបស់ស្រីស្អាតបរិសុទ្ធ… ។
ននោងពស់មានប្រភពពីឥណ្ឌា ។ គេនៅឲ្យឈ្មោះវាថា ននោងខ្លា ននោងឥណ្ឌា ។
ផ្កាននោងពស់ពណ៌សស្គុះ មាន៥សន្លឹក សន្លឹកនីមួយៗមានទងរំយោលធ្លាក់ចុះមើលទៅពិតជាស្អាតគួរឲ្យគយគន់… ។
ផ្លែននោងពស់រាងវែង រមូរ ដូចជាទម្រង់សត្វពស់ វាមានពណ៌រាងស ហើយមានឆ្នូតៗ ។
រុក្ខជាតិនេះចេញផ្ការហូត ងាយដាំ ហើយផ្តល់ទិន្នផលខ្ពស់ ។ ប្រសិនបើមានការថែទាំផ្តល់ជីគ្រប់គ្រាន់ ននោងពស់១ទ្រើងធំល្មមវាអាចផ្តល់ផ្លែរាប់រយគីឡូក្រាមឯណោះ សម្រាប់១រដូវទម្លាក់ផ្លែ ។
ពេលវេលាសមស្របដើម្បីដាំ គឺពីខែតុលាដល់ខែធ្នូ ។ ក្រោយពេលដាំ ២ខែប៉ុណ្ណោះ គេអាចប្រមូលផលបានហើយ ។
វាផ្តល់ផ្លែជាបន្តបន្ទាប់បានរហូតដល់ ៣ខែ ។
រស់ជាតិរបស់វា ដូចជាននោងស្រុកយើងអីចឹង អាចច្នៃជាសម្ល ឆា ឬស្រុះ… ។
មិនថាកសិករទេ សូម្បីតាមគេហដ្ឋាននាទីក្រុង លើតេរ៉ាស់ ក៏អាចដាំវាលម្អរផង និងបានផ្លែបរិភោគទៀត ៕ ចន្ទ្រា